1 Tingàgu, flinge ge i tdògu ge,
2 Flinge ge i gman i kfulung faldam,
3 Hae, toom fni i kfulungam mebe ktom,
4 Na toom fanngabal i kfulung faldam,
5 Du ku nimoam ani glabatam i klikò di Dwata,
6 Du Dwata mlé kfulung faldam,
7 Mlé kenen tabeng di dad to matlu,
8 Hae, kenen kamlung i dad to mimò fye di demela to,
9 Na ku alò ge flinge deg, glabatam kadang ku tan i fye,
10 Du mbaling ge kadang to fulung faldam,
11 I kfulungam mebe ktom na i kaglabatam i kamlung ge,
12 du fye gawag ge di nimò, na di talù i dad to sasè.
13 Dad to én, tagakla i matlu na malwa dalan,
14 Na too ale lehew mimò sasè
15 Na dad to ani, bigkò i dalanla,
16 Na i too glut kfulung ani, fadnan ge di boyo i libun mkat lagi.
17 I libun gambet ani, kahan i yaanan,
18 Na ku salu ge ditù di gumnean, én gumagum di dalan fati,
19 Balù simto tlang di kenen, landè di dale gasfulê di fye knè.
20 Taman tingàgu, toom lalò i ldam dad to matlu,
21 Du i dad to matlu, ale sa gamdawat i kafye blé Dwata, na mlawilale di tah tanà ani.
22 Kabay i dad to sasè, snabà Dwata mdà di tah tanà ani,