1 Hikɨ kepaukua Warami mɨpaɨ mɨretima Yawé minakekai 'Ixaheri 'aixɨa muyuriekakɨ, hikɨ pɨkawarukewaiyaxɨ, meripaitɨ hepaɨ, matsi tawarita makumawetsie kaneutaniere.
2 Kepauka Warami meutanierixɨ 'ixaheritsixi kaniwaruxeiya kememɨteheunuiwari mɨpaɨ meteheukuteme, hikɨ Yawé 'iyarieya hetsiena kaninuani,
3 hikɨ mɨpaɨ kaniutayɨni:
4 Niukieya mɨ'enie Kakaɨyari kaniniukieyatɨni,
5 »Kakuwu, 'axamarute witsipɨ'anene.
6 'Aki muyehapane hepaɨ pɨtiyuxexeiya manuyunanake,
7 Xariteya haa panakayeuriwe,
8 »Kakaɨyari 'Ekipitu kaniwarayewitɨni
9 Maye 'uki hepaɨ kanakatutsitani,
10 Hikɨ Waraki kaniuyeha'ani Warami hepaɨtsita, yumamatetsie heuyɨtɨminatɨ mɨpaɨ katinitahɨawe:
11 Tsepa hikɨ kenemie 'akie. Ne mɨpaɨ nepɨmarahɨawekai kename nematipitɨanikekai, peru mɨkɨ Yawé pɨkamatiutanaki'eriri.
12 Warami mɨpaɨ katinitahɨawe:
13 “Tsepa Waraki yuparatsiyu hurukɨ meta pɨratakɨ hɨneme mɨnetiuxatɨa, ne 'aixɨa nepɨkatiuyuriwe meta 'axanepɨkatiuyuriwe, matsi Yawé nekakaɨyari xeikɨa 'aitsikaya kemaine mɨpaɨ nepɨ'aneni. Yawé xeikɨa kemɨneti'aitɨa mɨpaɨ nepɨtiyurieneni”.
14 Hikɨ mexi neka'akunuawe nekie, nepɨmatitaxatɨani 'ikɨ kiekari 'ateɨterima kemɨwayurieni 'uxa'atɨni warie haye'ayu.
15 Hikɨ Warami mɨpaɨ kaniutayɨni:
16 Niukieya mɨ'enie Kakaɨyari kaniniukieyatɨni.
17 »Nekanixeiyani, peru hikɨ 'akuxi hawaikɨ,
18 'Erumi kana'iwariemɨkɨ,
19 Kakuwu nuiwarieyatsie xewitɨ rayu'iwatɨ kanitinemɨkɨ,
20 Warami 'Amareki 'uxeiyaka mɨpaɨ kaniutayɨni:
21 Hikɨ Warami kenitsixi waruxeiyaka mɨpaɨ kaniutayɨni:
22 'ekɨri Kahini, taipa pekaneyani,
23 Hikɨ Warami mɨpaɨ kaniutayɨni:
24 Kanuwate 'amɨpapa kani'axɨakuni Tsipɨre manexɨani,
25 Mɨpaɨ titaxatɨaka Warami kaneyani yukwiepa paitɨ, yaxeikɨata Waraki yuhuyeta kaneyani.