1 Izʼaru lakkalkoyni mma haŋajer nga baaba hoyraa se,
2 Boro ga huna nda nga meešennoo nafaa,
3 Boro kaŋ ga hin nga miɲoo ga hin nga boŋ,
4 Fuyyante ga haya boobo boonay, amma a si duu ey,
5 Boro šerrante si baa taari šenni,
6 Šerretaray ga boro laadirante dira takaa hawgay,
7 Boro ga nga boŋ tee almankoyni,
8 Cee fooyaŋ almankoyni, hala a ma hallasi,
9 Boro šerrantey gaayoo ga ɲaalandi,
10 Bolsay si kate haya kul kala yenje,
11 Alman kaŋ duwandi taka šiira ra ga dere nda cahãyan,
12 Tammahã kaŋ gay a si tee ga bine maray,
13 Boro kaŋ na hoyray yebebe gʼa bana,
14 Lakkalkoyni hoyraa manʼti kala haya kaŋ ga hunayan noo
15 Lakkal henna ga kate borey ma baa ni,
16 Boro carma mma goy nda bayray,
17 Dontokaw futu mma kaŋ bone ra,
18 Talkataray nda kayna ti boro kaŋ si baa hoyray bagaa,
19 Boro kaŋ duu haya kaŋ a gʼa boonay, a ga kan a se,
20 Boro kaŋ ga dira lakkalkoyney bande ga duu lakkal,
21 Bone ga hanga zunubantey,
22 Boro henna mma tubu naŋ nga haamawey se,
23 Faaroo kaŋ talkey nʼa beeri ga duuray boobo tee,
24 Boro kaŋ si aladabu gobu zaa nga izoo se, boraa si baa nga izoo,
25 Šerrante ga ŋaa hala boonoo ma hun,