1 Wal Beilam bin sabi YAWEI det trubala God bin wandim im blanga tok gudbala wed blanga detlot Isreil pipul. Im nomo bin go blanga luk wanim garra hepin laik imbin dum bifo. Imbin tenaran en luk langa det deset kantri,
2 en deya na imbin faindim detlot Isreil pipul bin kemp deya langa det deset kantri. En det spirit blanga God bin teikoba langa im na,
3 en imbin tok dijan speshalwan wed,
4 Aibin irrim dijan wed dumaji God bin dalim mi.
5 Detlot tent blanga detlot Isreil pipul olabat brabli gudbala.
6 Olabat jis laik pamtri weya im jidan wan lain,
7 Dei garra oldei abum detmatj rein.
8 God bin bringimap olabat brom Ijip.
9 Detlot Isreil pipul olabat jis laiga laiyan.
10 Wal Beilak bin holdim im bingga wailwei, dumaji imbin brabli wail en tok langa Beilam, “Aibin jingat langa yu blanga singim detlot enami blanga main, bat thritaim na yubin tok gudbalawei blanga olabat.
11 Yu gobek langa yu kemp na. Ai bina peiyim yu, bat YAWEI nomo bin larram yu gajim det pei.” Lagijat na Beilak bin tok.
12 Wal Beilam bin ensim im, “Aibin dalim detlot mesinja weya yubin jandim langa mi,
13 nomeda yu gibit mi ol detlot silba en gol weya yu oldei kipum langa yu bigwan haus, bat ai stil garra dum wanim YAWEI main God dalim mi blanga dum. Ai kaan dum enijing miselp. Ai oni tok wanim YAWEI oldei dalim mi blanga tok.” Lagijat na Beilam bin tok.
14 Wal brom deya Beilam bin tok langa Beilak, “Ai garra gobek langa main ronwan pipul, bat bifo ai go, ai garra gibit yu woning wanim detlot Isreil pipul garra dum langa yu pipul olabat bambai.”
15 En imbin tok dijan speshalwan wed,
16 Aibin irrim dijan wed weya God bin dalim mi,
17 Tudei na ai gin luk det taim weya garra kaman bambai,
18 Im garra bidim im enamimob langa Idam,
19 Detlot Isreil pipul garra pudumbut langa olabat,
20 Afta na Beilam bin luk langa im drim detlot Amalekait pipul en imbin tok dijan speshalwan wed,
21 Wal langa im drim igin imbin luk detlot Kenait pipul, en imbin tok dijan speshalwan wed,
22 Bat yumob Kenait pipul garra gitkil wen detlot Asiriya solja garra deigimwei yumob prisana.”
23 En Beilam bin kipgon toktok dijan speshalwan wed,
24 Detlot enami garra kaman brom solwodasaid brom Saipras.
25 Afta na Beilam bin gitredi blanga gobek langa im kemp, en Beilak bin gobek langa im kemp du.