1 Mi jis laik det wailwan purdiflawa weya gro langa plein kantri,
2 Main olgamen, yu jis laik det purdiflawa weya gro langa bindiyai kantri.
3 Main olmen, yu mowa gudwan langa ola najalot men.
4 Yubin deigim mi langa yu ronwan kemp,
5 Dumaji mi wikwan na en mi wandim mowa brabli gudwan taim garram yu,
6 Yu pudum yu lefthensaid bingga andanith langa main hed,
7 Wal ola gel brom Jerusalem, yumob garra pramis mi brabli strongbalawei.
8 Luk tharrei! Main olmen jinginat.
9 Main olmen im kaman brabli kwikbala jis laik det yangwan diya.
10 Kaman na, main olgamen.
11 Det rein im binij na,
12 en langa det bush kantri detmatj purdiflawa bin gro.
13 Detlot tri garram daga, im gulijap kukwan na.
14 Main olgamen, ai wandim luk yu purdiwan feis,
15 Main olmen, yu dalim detlot siliwan yangboi nomo blanga lukinat mi.
16 Main olmen, yu main, en mi blanga yu.
17 Ei, gidap na.