1 Naitaim wen ai leidan langa main sweig ai oldei drim blanga im,
2 Aibin luk ebriweya langa det bigbala taun,
3 Detlot blijiman hu oldei lukaftumbat det taun bin luk langa mi,
4 Streidawei wen aibin gowei brom olabat, aibin faindim im.
5 Wal yumob gel brom Jerusalem, yumob garra pramis mi brabli strongbalawei.
6 Hu dijan kaminap brom det deset kantri?
7 Luk! King Salaman, indit?
8 Deibin ol klebawan blanga yusum det bigwan naif,
9 Deibin garrimap King Salaman langa im tjeya,
10 Detlot pos blanga det tjeya deibin gaburrumap garram silba.
11 Ola gel brom Saiyan, yumob kaman blanga luk King Salaman.