1 Yu brabli purdiwan, main olgamen!
2 Blanga yu tuth, im brabli waitwan laik det ship wen dei kadimbat blanga im wul en washim im.
3 Blanga yu mawus, im jis laik redwan ribin.
4 Det nek im longwan en im brabli purdiwan blanga yu,
5 Blanga yu milk dubala brabli raunwan jis laik det dubala popo.
6 Ai garra pudum main hed langa det dubala hil weya ola gudsmelwan medisin gro,
7 Main olgamen, yu purdiwan,
8 Main pramis, kaman na.
9 Det wei yu luk langa mi, main pramis,
10 Yu luk brabli purdiwan langa mi, main pramis.
11 Det mawus blanga yu im teist laik shugabeig, main pramis,
12 Main olgamen, yu jis laik det speshalwan gadin.
15 Yu na jis laik det woda weya im randan en wodarim det gadin,
16 Win brom nowathwei, yu gidap na!