Números 35

RIFA vs NAA

NAA Nova Almeida Atualizada 2017

¹ إِسِّيوڒْ سِيذِي أَكْ-ذ مُوسَا ذِي ڒوْضَاثْ ن مُوآبَ غَارْ لْ-ؤُرْذُونْ أَرنْذَاذْ ن أَرِيحَا ؤُشَا إِنَّا:

¹ Nas campinas de Moabe, junto ao Jordão, na altura de Jericó, o Senhor disse a Moisés:

² ”ؤُمُورْ أَيْثْ ن إِسْرَائِيل حِيمَا أَذْ وْشنْ، زِي ڒْوَارْثْ نْسنْ إِ طّْفنْ، ثِيندَّامْ إِ إِلَاوِييّنْ مَاحنْذْ أَذْ ذَايْسنْثْ زذْغنْ. أَذْ ثوْشمْ إِ إِلَاوِييّنْ عَاوذْ دّْمَانِي ن ثَاروْسَا، إِنِّي ذ أَسنْ د-إِنّْضنْ إِ ثْندَّامْ.

² — Ordene aos filhos de Israel que, da herança da sua posse, deem cidades aos levitas, em que possam morar, e também campos de pastagem ao redor das cidades.

³ ثِيندَّامْ-أَ أَذْ إِڒِينْثْ مَاحنْذْ أَذْ ذَايْسنْثْ زذْغنْ، ؤُشَا دّْمَانِي ن ثَاروْسَا أَذْ إِڒِينْ إِ ڒبْهَايمْ نْسنْ ؤُ إِ وَاڭْڒَا نْسنْ ؤُ إِ مَارَّا إِمُودَّارنْ نْسنْ.

³ Os levitas terão essas cidades para morar nelas. Os campos de pastagem ao redor das cidades serão para o gado, para os rebanhos e para todos os animais deles.

⁴ ؤُشَا دّْمَانِي ن ثَاروْسَا إِ إِدْجَانْ غَارْ ثْندَّامْ نِّي إِ غَا ثوْشمْ إِ إِلَاوِييّنْ، أَذْ إِڒِينْ زڭْ وغْبَارْ ن ثنْذِينْثْ غَارْ بَارَّا أَڒفْ ن إِغَادْجنْ ؤُشَا أَمنِّي غَارْ مَارَّا إِغزْذِيسنْ نّسْ.

⁴ Os campos de pastagem ao redor das cidades que vocês darão aos levitas, desde a muralha da cidade para fora, serão de quatrocentos e cinquenta metros ao redor.

⁵ بَارَّا ن ثنْذِينْثْ غَارْ شَّارْقْ أَذْ ثْعبَّارمْ أَڒْفَاينْ ن إِغَادْجنْ ؤُ غَارْ لْجَانُوبْ أَڒْفَاينْ ن إِغَادْجنْ ؤُ غَارْ ڒْغَارْبْ أَڒْفَاينْ ن إِغَادْجنْ ؤُ غَارْ شَّامَالْ أَڒْفَاينْ ن إِغَادْجنْ ؤُشَا ثَانْذِينْثْ أَذْ ثِيڒِي ذِي ڒْوسْطْ. إِنَا أَذْ أَسنْ إِڒِينْ ذ دّْمَانِي ن ثَاروْسَا ن ثْندَّامْ.

⁵ Fora da cidade, do lado leste, vocês devem medir novecentos metros; do lado sul, novecentos metros; do lado oeste, novecentos metros e do lado norte, novecentos metros, ficando a cidade no meio; estes lhes serão os campos de pastagem ao redor das cidades.

⁶ ثِيندَّامْ إِ غَا ثوْشمْ إِ إِلَاوِييّنْ أَذْ إِڒِينْثْ ستَّا ن ثْندَّامْ ن ثَاروْڒَا. أَذْ ثنْثْ ثوْشمْ مَاحنْذْ أَذْ ذِينْ يَارْوڒْ ؤُقتَّاڒْ. سنّجْ إِ مَانْ أَيَا أَذْ ثنْثْ ثوْشمْ عَاذْ ثْنَاينْ ؤُ-ربْعِينْ ن ثْندَّامْ.

⁶ — Das cidades que vocês darão aos levitas, seis serão cidades de refúgio, as quais vocês darão para que, nelas, se acolha o homicida. Além destas, vocês darão aos levitas quarenta e duas cidades.

⁷ مَارَّا ثِيندَّامْ إِ غَا ثوْشمْ إِ إِلَاوِييّنْ، أَذْ إِڒِينْثْ ثْمنْيَا ؤُ-ربْعِينْ ن ثْندَّامْ، ثِينَا سِيمَانْثْ نْسنْثْ ذ دّْمَانِي نْسنْثْ ن ثَاروْسَا.

⁷ Todas as cidades que vocês darão aos levitas serão quarenta e oito cidades, juntamente com os campos de pastagem.

⁸ خْ ثْندَّامْ إِ غَا ثوْشمْ زڭْ وَاڭْڒَا ن أَيْثْ ن إِسْرَائِيل، أَذْ ثنْثْ ثكْسِيمْ كْثَارْ زڭْ ونِّي غَارْ إِدْجَا وَاطَّاسْ ؤُ زڭْ ونِّي غَارْ إِدْجَا ذْرُوسْ، أَذْ ثكْسِيذْ ذْرُوسْ. كُوڒْ إِجّْ أَذْ إِوْشْ زِي ثْندَّامْ نّسْ إِ إِلَاوِييّنْ عْلَاحْسَابْ ڒْقدّْ ن ثسْغَارْثْ نّسْ زِي ڒْوَارْثْ إِ إِطّفْ.“

⁸ As cidades que vocês darão aos levitas devem ser da herança dos filhos de Israel. Se a tribo for numerosa, dará muitas cidades; se a tribo for pequena, dará poucas cidades; cada tribo dará das suas cidades aos levitas, na proporção da herança que lhe couber.

⁹ إِسِّيوڒْ سِيذِي أَكْ-ذ مُوسَا، إِنَّا:

⁹ O Senhor disse ainda a Moisés:

¹⁰ ”سِيوڒْ أَكْ-ذ أَيْثْ ن إِسْرَائِيل ؤُشَا إِنِي أَسنْ: ’خْمِي غَا ثژْوَامْ لْ-ؤُرْذُونْ غَارْ ثمُّورْثْ ن كنْعَانْ،

¹⁰ — Fale com os filhos de Israel e diga-lhes: Quando passarem o Jordão para entrar na terra de Canaã,

¹¹ أَذْ ثْنيّْشمْ إِ يِيخفْ نْومْ ثِيندَّامْ نِّي ذ أَومْ إِ غَا إِڒِينْثْ ذ ثِيندَّامْ ن ثَاروْڒَا، حِيمَا أَقتَّاڒْ، ونِّي إِنْغِينْ حذْ زڭْ ؤُودَّارْ، إِزمَّارْ أَذْ ذِينْ يَارْوڒْ.

¹¹ escolham para vocês algumas cidades que lhes sirvam de refúgio, para que, nelas, se acolha o homicida que matar alguém involuntariamente.

¹² ثِيندَّامْ-أَ أَذْ أَومْ إِڒِينْثْ إِ ثَاروْڒَا زڭْ ؤُنقَّامْ ن إِذَامّنْ، حِيمَا وَارْ إِتّْمتِّي ؤُقتَّاڒْ قْبڒْ مَا أَذْ إِبدّْ زَّاثْ إِ وُوذمْ ن ثْمسْمُونْثْ إِ ڒْحُوكْمْ.

¹² Nessas cidades o homicida poderá se refugiar do vingador do sangue, para que o homicida não morra antes de ser apresentado diante da congregação para julgamento.

¹³ زِي ثْندَّامْ إِ غَا ثوْشمْ، أَذْ زَّايْسنْثْ إِڒِينْثْ ستَّا ذ ثِيندَّامْ ن ثَاروْڒَا إِ كنِّيوْ.

¹³ Essas cidades que vocês derem serão seis cidades de refúgio para vocês.

¹⁴ ثْڒَاثَا ن ثْندَّامْ أَذْ ثنْثْ ثوْشمْ غَارْ ؤُجمَّاضْ ن لْ-ؤُرْذُونْ ؤُ ثْڒَاثَا ن ثْندَّامْ أَذْ ثنْثْ ثوْشمْ ذِي ثمُّورْثْ ن كنْعَانْ. أَذْ إِڒِينْثْ ذ ثِيندَّامْ ن ثَاروْڒَا.

¹⁴ Três destas cidades devem ficar deste lado do Jordão e três devem ficar na terra de Canaã; serão cidades de refúgio.

¹⁵ ستَّا ن ثْندَّامْ-أَ أَذْ إِڒِينْثْ إِ ثَاروْڒَا إِ أَيْثْ ن إِسْرَائِيل ؤُڒَا إِ ؤُبَارَّانِي ذ ؤُمْعزّبْ ذِي ڒْوسْطْ نْسنْ، حِيمَا ونِّي إِنْغِينْ حذْ زڭْ ؤُودَّارْ، إِزمَّارْ أَذْ ذِينْ يَارْوڒْ.

¹⁵ Estas seis cidades serão de refúgio para os filhos de Israel, e para o estrangeiro, e para o que se hospedar no meio deles, para que, nelas, se acolha aquele que matar alguém involuntariamente.

¹⁶ مَاڒَا إِوّثْ إِ-ث س إِشْثْ ن ڒْقشْعثْ ن وُوزَّاڒْ ؤُشَا إِمُّوثْ، خنِّي أَقَا نتَّا ذ أَقتَّاڒْ. أَقتَّاڒْ أَذْ إِتّْوَانغْ نِيشَانْ.

¹⁶ — Mas, se alguém ferir uma pessoa com instrumento de ferro, e essa pessoa morrer, é homicida; o homicida será morto.

¹⁷ مَاڒَا إِوّثْ إِ-ث س إِجّْ ن وژْرُو ذڭْ ؤُفُوسْ إِ زِي إِزمَّارْ أَذْ إِمّثْ ؤُشَا خنِّي إِمُّوثْ، أَقَا نتَّا ذ أَنقَّامْ. أَنقَّامْ أَذْ إِتّْوَانغْ نِيشَانْ.

¹⁷ Ou se alguém ferir uma pessoa, com pedra na mão, que possa causar a morte, e essa pessoa morrer, é homicida; o homicida será morto.

¹⁸ نِيغْ مَاڒَا إِوّثْ إِ-ث س إِشْثْ ن ڒْقشْعثْ ن ؤُكشُّوضْ ذڭْ ؤُفُوسْ إِ زِي إِزمَّارْ أَذْ إِمّثْ ؤُشَا خنِّي إِمُّوثْ، أَقَا نتَّا ذ أَقتَّاڒْ. أَقتَّاڒْ أَذْ إِتّْوَانغْ نِيشَانْ.

¹⁸ Ou se alguém ferir uma pessoa com instrumento de pau que tiver na mão, que possa causar a morte, e essa pessoa morrer, é homicida; o homicida será morto.

¹⁹ أَنقَّامْ ن إِذَامّنْ أَذْ إِنغْ أَقتَّاڒْ. مَاڒَا أَذْ ث إِڒْقَا، أَذْ ث إِنغْ.

¹⁹ O vingador do sangue, ao encontrar o homicida, deverá matá-lo.

²⁰ ؤُ مَاڒَا إِعَارْنْ إِ-ث س وشْرَاهْ، نِيغْ إِنْضَارْ غَارسْ شَا س نعْمَاذَا أَڒَامِي زَّايسْ إِمُّوثْ،

²⁰ — Se alguém empurrar uma pessoa com ódio ou com má intenção lançar contra ela alguma coisa, e essa pessoa morrer,

²¹ نِيغْ إِوّثْ إِ-ث س ڒعْذَاوثْ س ؤُفُوسْ نّسْ، أَڒَامِي زَّايسْ إِمُّوثْ، خنِّي ونِّي ث إِنْغِينْ أَذْ إِتّْوَانغْ نِيشَانْ. أَقَا-ث ذ أَقتَّاڒْ. أَنقَّامْ ن إِذَامّنْ أَذْ إِنغْ أَقتَّاڒْ خْمِي ث غَا إِڒْقَا.

²¹ ou, por inimizade, a ferir com a mão, e essa pessoa vier a morrer, aquele que feriu essa pessoa será morto; é homicida; o vingador do sangue, ao encontrar o homicida, deverá matá-lo.

²² مَاشَا مَاڒَا ثُوغَا إِعَارّنْ إِ-ث أَمنِّي ذڭْ ورْمَاشْ ن وَابْڒِيونْ بْڒَا ڒعْذَاوثْ، نِيغْ إِنْضَارْ غَارسْ شَا ن ڒْقشْعثْ أَمْ إِودَّارْ،

²² Porém, se alguém empurrar outra pessoa subitamente, sem inimizade, ou contra ela lançar algum instrumento, sem má intenção,

²³ نِيغْ أَمْ وَارْ ث إِژْرِي، إِڭَّا أَذْ خَاسْ د-إِوْضَا شَا ن وژْرُو إِ زِي إِزمَّارْ أَذْ إِمّثْ، ؤُشَا خنِّي إِمُّوثْ أَمْ وَارْ ثُوغِي ذ ڒعْذُو نّسْ ؤُ نتَّا ثُوغَا وَارْ ذ أَسْ يَارزُّو ڒْغَارْ،

²³ ou, sem vê-la, deixar cair sobre ela alguma pedra que possa causar-lhe a morte, e essa pessoa morrer, não sendo sua inimiga, nem tendo a intenção de causar-lhe mal,

²⁴ خنِّي ثَامسْمُونْثْ أَذْ ثحْكمْ جَارْ ؤُقتَّاڒْ ذ ؤُنقَّامْ ن إِذَامّنْ عْلَاحْسَابْ لْفَارَايِيضْ-أَ.

²⁴ então a congregação julgará entre o matador e o vingador do sangue, segundo estas leis,

²⁵ ثَامسْمُونْثْ أَذْ ثْفكّْ أَقتَّاڒْ زڭْ ؤُفُوسْ ن ؤُنقَّامْ ن إِذَامّنْ ؤُشَا ثَامسْمُونْثْ أَذْ ثجّْ نتَّا أَذْ إِعْقبْ غَارْ ثنْذِينْثْ نّسْ ن ثَاروْڒَا. أَذْ ذِينْ إِقِّيمْ أَڒْ ڒْموْثْ ن أَرَّايْسْ ن إِكهَّاننْ، ونِّي ذهْننْ نِيثْنِي س زّشْثْ إِقدّْسنْ.

²⁵ e livrará o homicida da mão do vingador do sangue, e o fará voltar à sua cidade de refúgio, onde havia se refugiado; ali, ficará até a morte do sumo sacerdote, que foi ungido com o santo óleo.

²⁶ مَاشَا مَاڒَا أَقتَّاڒْ إِفّغْ بَارَّا ن إِيْمِيرنْ ن ثنْذِينْثْ ن ثَاروْڒَا مَانِي يَارْوڒْ،

²⁶ — Porém, se, em determinado momento, o homicida sair dos limites da sua cidade de refúgio, onde tinha se refugiado,

²⁷ ؤُشَا أَنقَّامْ ن إِذَامّنْ يُوفَا إِ-ث بَارَّا ن إِيْمِيرنْ ن ثنْذِينْثْ ن ثَاروْڒَا ؤُشَا أَنقَّامْ ن إِذَامّنْ إِنْغَا ونِّي إِنْغِينْ، وَارْ خَاسْ شَا إِذَامّنْ خنِّي.

²⁷ e o vingador do sangue o encontrar fora dos limites dela, se o vingador do sangue matar o homicida, não será culpado do sangue.

²⁸ مِينْزِي ثُوغَا خَاسْ أَذْ إِقِّيمْ ذِي ثنْذِينْثْ نّسْ ن ثَاروْڒَا أَڒْ ڒْموْثْ ن أَرَّايْسْ ن إِكهَّاننْ. مَاشَا أَوَارْنِي ڒْموْثْ ن أَرَّايْسْ ن إِكهَّاننْ إِزمَّارْ أَذْ إِعْقبْ ؤُقتَّاڒْ غَارْ ثمُّورْثْ نِّي إِدْجَانْ نّسْ.

²⁸ Pois deve ficar na sua cidade de refúgio até a morte do sumo sacerdote; porém, depois da morte deste, o homicida voltará à terra da sua posse.

²⁹ أَيَا أَذْ أَومْ ثِيڒِي ذ ثَاوْصيّثْ ن ڒْحقّْ إِ مَارَّا جِّيڒَاثْ نْومْ مَانِي مَا غَا ثْزذْغمْ.

²⁹ Estas coisas serão por estatuto de direito para vocês de geração em geração, onde quer que vocês morarem.

³⁰ كُوڒْ إِجّْ، ونِّي إِنْغِينْ حذْ، أَقَا أَقتَّاڒْ أَذْ إِتّْوَانغْ عْلَاحْسَابْ أَقمُّومْ ن ڒشْهُوذْ، مَاشَا إِجّْ ن ؤُشهَّاذْ وَاهَا، وَارْ إِزمَّارْ أَذْ إِشْهذْ خْ إِشْثْ ن نّفْسْ س ڒْموْثْ.

³⁰ — Todo aquele que matar uma pessoa será morto conforme o depoimento das testemunhas; mas uma só testemunha não deporá contra alguém para que morra.

³¹ وَارْ كسِّيمْ دّيّثْ خْ ڒعْمَارْ ن ؤُقتَّاڒْ نِّي خْ إِتّْوَاحْكمْ س ڒْموْثْ، مَاغَارْ إِتّْخصَّا أَذْ إِتّْوَانغْ نِيشَانْ.

³¹ Não aceitem resgate pela vida do homicida que é culpado de morte; ele deve ser morto.

³² وَارْ كسِّيمْ دّيّثْ خْ ونِّي يَاروْڒنْ غَارْ ثنْذِينْثْ نّسْ ن ثَاروْڒَا ذِي طّْوعْ ن وعْقَابْ نّسْ، مَاحنْذْ أَذْ إِزْذغْ ذِي ثمُّورْثْ قْبڒْ ڒْموْثْ ن أَرَّايْسْ ن إِكهَّاننْ.

³² Também não aceitem resgate por aquele que se acolher a uma cidade de refúgio e quiser voltar para a sua terra antes da morte do sumo sacerdote.

³³ وَارْ إِعدّڒْ أَذْ ثسّخْسَارمْ ثَامُّورْثْ مَانِي ثدْجَامْ، مِينْزِي إِذَامّنْ سّخْسَارَانْ ثَامُّورْثْ ؤُشَا وَارْ إِزمَّارْ أَذْ إِتّْوَاڭّْ وصْڒَاحْ إِ ثمُّورْثْ ذِي طّْوعْ ن إِذَامّنْ إِ ذَايسْ إِتّْوَاسِّيزْڒنْ، مْغِيرْ س إِذَامّنْ ن ونِّي ثنْ إِسِّيزّْڒنْ.

³³ Assim, não profanem a terra em que vocês estão; porque o sangue profana a terra. Nenhuma expiação se fará pela terra por causa do sangue que nela for derramado, a não ser com o sangue daquele que o derramou.

³⁴ وَارْ سْخمِّيجمْ ثَامُّورْثْ مَانِي غَا ثْزذْغمْ كنِّيوْ، ذِي ڒْوسْطْ نّسْ إِ غَا زذْغغْ نشّْ، مِينْزِي نشّْ ذ سِيذِي، ونِّي إِزدّْغنْ ذِي ڒْوسْطْ ن أَيْثْ ن إِسْرَائِيل.“

³⁴ Portanto, não contaminem a terra na qual vocês vivem, no meio da qual eu habito; pois eu, o Senhor , habito no meio dos filhos de Israel.

Números 35

Atalhos do teclado

Ler em outra tradução

Comparar com outra