1 Tayta Diosga fiyupa allimi Israelcunapäga,
2 Nogami ichanga jucha rurayta yarpaycaräna.
3 Nogaga fiyupami charayta munaparä alli-tucojcuna charashanta.
4 Fiyu runacunaga allimi goyan.
5 Manami ñacanpischu waquin runacunanöga.
6 Chaymi alli-tucushanga wallganno camaraycächin.
7 Mana allita rurananpaj yarpashanga cäranchömi rejsicaycan.
8 Runacunapa washan riman.
9 Tayta Diospa contranmi riman.
10 Chayno captinmi chay fiyu runacunataga alaban.
11 Paycunaga nin: «¿Imanöpataj Diosga musyanga?
12 Chaynömi Tayta Diosta mana rispitajcunaga.
13 Noga alli shongu cashäga yangami.
14 Chaycunapaj yarpachacurmi nogaga imay örapis llaquicuycä.
15 Noga paycunano yarpashpäga maynami engañäman caran acrashayqui runacunatapis.
16 Yarpachacaycächimashayquitaga llapantami tantiyayta munashcä.
17 Tayta Diosta rispitana wasiman yaycunäcama manami tantiyashcächu.
18 Paycunataga pasaypa llushcamanmi chayachishcanqui.
19 ¡Illajpitami ushacanga paycunaga!
20 Tayta Dios, fiyu runacunataga juc runa suyñushanta gongaycojnömi
21 Tayta Dios, nogaga fiyupami rabyasha caycarä.
22 Pasaypa mana tantiyaj runami cashcä.
23 Imano captëpis simrimi yanapaycämarayqui.
24 Willapämashpayquimi sumaj yachachimashcanqui.
25 ¿Pïnëtaj nogapaga syëlucho caycan? ¡Gamllami Tayta!
26 Callpäpis manami cajnönachu.
27 Gamta gongaycushoj cajcunaga llapanmi illganga.
28 Nogami ichanga Diospa ñaupallancho cawayta munä.