1 Tayta Dios, raytaga sumaj yachachiy alli arriglananpaj.
2 Chayrämi rayga umildicunata, pobricunata alli mandanga.
3 Chauraga jircacunapis acrashayqui runacunata cuydanga.
4 ¡Rayga alli arriglachun pobricunataga!
5 ¡Intipitawan quillapitapis mas unaycamaraj acrashayqui rayga cawachun!
6 ¡Payga cachun cay pachaman tamyar guewacunata pargojno!
7 ¡Pay mandaptenga llapan rurashancunapis alli llojshichun, alli goyaylla cachun!
8 ¡Payga mandachun jatun lamarpa cuchunpita Cachi lamarcama!
9 Payta chiquej chunyajcho tiyajcunaga
10 ¡Paymanga Tarsischo tiyaj raycuna, lamar chaupin tishgucho tiyajcuna impuestuta pägachun!
11 ¡Llapan raycuna gongurpacuchun paymanga!
12 Payga salbangami ruwacoj caj pobricunata,
13 Umildicunataga cuyapangami.
14 Paycunataga munayniyojcunapita, fiyu runacunapita salbangami.
15 ¡Chayno alli cashanpita rayga cawachun!
16 ¡Cay nasyunchöga rïgu amatar wayuchun!
17 ¡Ray alli cashanpita jutintaga imaycamapis rimaycächun!
18 Israelcuna rispitashan Tayta Dios alabasha caycullay.
19 Tayta Diosga imaycamapis alabasha caycuchun.
20 Isaïpa wamran David Tayta Diosta mañacur alabashanga cayllachönami ushan.