1 Gore naaki medame epe kone saliare nipuna aapana agaa waru pagea.
2 Epe agaa ne aamere nipumi epe oyaenu mualia.
3 Aa medame nipu agaa abulu waru suruboa epe agaa loa aaliare nipu mada na-oyalia.
4 Kiaa rakepene aanumi oyae adaapu meawe kone sua aaeme pare nimume go yae mada nameme.
5 Epe redepone aanu nimumi yaa agaa loa makirape madaare gimi omeme.
6 Aa-me epea agu paliare nipuna go peame nipu surubea rabu epe-rupa piruaaya.
7 Aa riabo naara aa medalomame nimu mone oyae adaapu sawe kone madaa makirae kone suaeme.
8 Gore wae aanumi amone aa tulalo palimiri nipumi mone oyae adaapu mogo aanu kaloa epe-rupa piralia.
9 Epe redepo aanu nimuri laba paa roaya-rupa mada pimi.
10 Pupitagi nape konemere go aa kone wae madaa yada ratu runane mea pea.
11 Aa medame kogono napi pama awa ode mone mualiare go mone ora dia yalia.
12 Aa medame oyaenu meda mealua kone sua adaalupu suruboa namealiare nipu lo robaa kedaame omalia.
13 Aa yago medame aa meda epe agaa epe pora waloa agaa mana laketalo palia rabu nipumi gimalia-daare go aa nipu oyalia.
14 Epe redepone aa-na agaa ora epe ta-pulu ipa laipi epe-rupa oro yalo pirama lama pope ipa-rupa pia.
15 Gore aa medaloma epe kone saliamiri onaa medalomame nimu bi minasalimi.
16 Aanu epe pora ratua epe kone salimiri epe kone aba sua oyae peme.
17 Gore agaa yaa loa makirae agaa pereke-pereke teme aanu nimu wae kedaa mea epope kone sua aeme.
18 Aa meda aa yagome nipu maredepo-yaina kone na-i nipuna bipa nipu kone-kone sua aaliare nipu oyoa aa naara pirua ora wae-rupa piralia. Goa pua nipu yala polo aalia.
19 Aa medame whose friend oyae meda mealua kone sua orope mealiare nipuna lo robaa-para raana adaa omoa pedo pedo adaa pua aalia.
20 Go yapare go aa nipu epe kone i aa raapu pora pamualiare go aa nipu page go aa-na kone mua nipu epe kone raapu pamualia.
21 Wae yaeme pupitagi ne aa nimu ora mulalo rapea.
22 Epe aa meda nipu omea raburi nipuna sinu page nipuna oyae luabu nimu meme.
23 Naara pimi aanuna e-maapu-para eta nape oyae adaapu inalo
24 Aaraame nipuna naaki pupitagi nalia rabu nipu ki paarame nataliare gore nipumi go naaki mana nata-pulu go naaki raname na-omea.
25 Epe redepone aanuna eta ora adaapu rulatabena imi.