1 Epe kone ia oname nipuna ada-para page epe kogono pea. Go koneme nipuna nogo naaki onaa luabu raapu puri mapabawa epe-rupa pimi.
2 Epe konena pora ratua pia aamere Adaa Aa-na surube rolo-para pia.
3 Epe kone na-imi aanuna agaa teme raburi onaana ini agaana nimumi nimuna bi minasae agaa oraa teme.
4 Mena gawa su awoa e poape meda diayalia raburi mo eta kirita i ada pa pupaa salia.
5 Koso raba mi aa-me koso ada-para epe redepone agaa tea rabu mo kosome ora ne agaa pagalia.
6 Wae aakone ne aanu nimu epe kone mulalo palimi-daare nimu epe kone mada namealimi.
7 Ne mo wae kone imi aanu raapu meda-para napiri ne ora mopare yola-moneape.
8 Aa nipu epe kone sua nipuna eta no pora pamea yae luabu ora epeta. Go yapare aa meda nipu epe kone na-iare nipuna bipa nipu makiraaya.
9 Epe kone na-imi aanu nimuna pulalo peme yae rayo pa kone padane agu sua peme.
10 Aa nipuna bipa nipuna lo robaa-para ia kedaa page raana page nipuna bipa makuaya.
11 Wae aa nipuna ruru ona nogo naaki luabu ora oyoa luabu dia yalimi.
12 Aa medalomame gupa kone imi: Nimuna pema yae rayo epe ta kone sua peme.
13 Niaame giri lo aalima page wae lo robaa kedaa niaa mada nagimalia.
14 Wae aanu nimuna peme wae yae madaa ini noa raana waru omeme.
15 Aanu nimu makuae yae ogesi i aanumi agaa ia-rupa luabu kone waru rulaeme.
16 Epe kone i aa nipumi nipuna kone waru suruboa nipu madaa wae yae ora naepena kone ia.
17 Ratu yawe aanumi maeyawa ratu ora aipapulu yaweme.
18 Aa medaloma ogesi makuawa nimu mo maeyae aanuna kone rateme.
19 Wae pupitagi aanu nimu mo epe aanu pitimi-para pirua nimu rabamu eta epe yaenu kanalo agaa lo piralimi.
20 Aa medaloma oyae rudu teme adape-re gime omeme. Nimuna aapa ame yalia page ora gimeme.
21 Aa medame aa yago meda naara mapiralia-re go aa nipu maeyawa naarame pama pea.
22 Aanumi wae yae oro yalo pumuna kone sua pualimiri nimuna kone ota.
23 Neme kogono waru radaa pina pali-dare ne ora epe yoto meali.
24 Epe kone ia aa-na konere nimuna mone yade.
25 Gore aa medame koso raba mu agaa epe-rupa teare mo kosome aa tumaomaarina-re waea pana tea.
26 Aa meda nipu Adaa Aa-na agaa ratua kumapi-rupa piraliare nipu oyae meda palame na-omalia.
27 Adaa Aa-na agaa pagoa nipu ratapena konere ipa laipi kagaa piraama lama popena re yade.
28 Aa mudu king medame onaanu adaapu surubaliare nipu adaa bi mea kateme.
29 Aa meda nipu ratu aipapulu nayaweare go aa nipu ora epe kone waru ia.
30 Aa meda nipu pu robaa kumapu pawa ina pirualiare nipuna to yogaene page epealia.
31 Gote nipumi onaa raayo warisa-pulu aa medame go aa nere ora aa naare wae te-dare neme Gote page wae gote yade te.
32 Wae aanu nimuri nimuna peme wae yaenumi nimu maoyaeme.
33 Kone epe waru na-imi aanu nimuna bipa aba makuaeme. Makuae yae-para epe kone lapore nimumi minalo suruba pia pare nameme.
34 Gore onaa luabumi epe kone sua epe agaa ratalimiri go kantri epealia.
35 Aa mudu king nimuna kogono aanumi epe kogono peme raburi nimu madaa raana waru omea.