1 Pansalamat itsun Apu Dios tep ya kakinayyaggud tu.
2 Pansalamat itsun Apu Dios e Dios ni emin ni dios.
3 Pansalamat itsun Apu Dios e Ap-apun emin ni aap-apu.
4 Pansalamat itsun hi-gatu, tep ebuh tun han-ipahding tu hu kaketngain tuu.
5 Lintu tu hu kabunyan tep ya laing tu.
6 Pansalamat itsun hi-gatu, tep intuun tu hu puyek di dalinat ni baybay.
7 Pansalamat itsun hi-gatu, tep hi-gatu nanletun aggew niya bulan.
8 Impambalin tu hu aggew ni heni ap-apun kawwalwal.
9 Impambalin tu hu bulan niyadda bittuwen ni heni ap-apun hileng.
10 Pintey tudda hu pengulwan ni u-ungngaddan iEgypt.
11 Impangulu tudda hu tutu-u tun helag Israel et hi-yanen da hu bebley di Egypt.
12 Inusal tu hu et-eteng ni kabaelan tun nengipenguluan tun hi-gadan neni-yanan dan nunman e bebley.
15 Nem inenud tudda hu sindalun iEgypt niyadda etan patul da.
16 Pansalamat itsun hi-gatu, tep hi-gatu nengipenguluddan tutu-u tun helag Israel di desert.
17 Pansalamat itsun hi-gatu tep pintey tudda hu et-eteng kabaelan dan papatul.
18 Anin ida etan ni nandingngel hu ngangaddan dan patul et pintey tudda.
19 Humman idan patul ey hi Sihon e patul di Amor,
20 Et hi Og e patul di Bashan.
21 Ya puyek idan nunman e patul ey indawat tuddan tuu tu.
22 Em, indawat tuddan bega-en tun helag Israel hu puyek idan nunman ni patul.
23 Eleg daitsu liwwanen eman ni neapputan tayu.
24 Daitsu kabaddangi et itsu kameihwang di buhul tayu.
25 Tuka iddawat hu kennen idan emin ni mategun lintu tu.
26 Emin itsu ey pansalamat itsun hi-gatu e Dios di kabunyan.