1 Odagoningi Balama ibu manda bialu hearia Anduane Homogohanda Isaraele wali agali bayaleore helo mo baya hole heago ibu manda buwa ibugua halaga abale biyadagua lone bule nape. Ibugua dindi ko iba dalu naibaga wiagohayagi wanakui handa amu howa
2 Isaraele wali agali hameigini hangu hangu headagua anda bu haga haga bu hearu hendene. Ani handa amu ho hearia Ngode Datagaliwabenaga Dinini ibuha daliyagola
3 ogodagua mbiwia hene.
4 Ngode Datagaliwabehanda bi larago hale halu
5 Yagaba-o í̠naga balai anda baya gibioredane hendedo.
6 Balai anda biaru duguni ayage ale mini dedi ho dugu haradagua hoyu pedane hendedo.
7 Isaraele tinaga dindini dalu iba ho wiaabo holebira.
8 Ngode Datagaliwabehanda ti Iyibi dindi howa haru tagira ibiya.
9 Isaraeleali uruni gabua laiono hongo gibiorehe ale ka.
10 Balagahanda bi ogoni mbiwia hayagola Balama ibugua keba timbuniore howa ibunaga gi kirabali tanda lowa Balamahondo lalu, I̱na í̠ olarugo wali agali uruni ha habelo olaru. Anigo í̠na bi halu tebo larigoni bibahende bayale hangu lari.
11 Ai i̱ manga ho kogo wahalu dai bia. I̱na í̠ yolo buliya larugoni Anduane Homogohanda yolo biagoni namibelo mo wahayada, lene.
12 Ani layagola Balama ibugua ladai bialu lalu, Í̠naga agaliru i̱ hewaria bi yalu pu lariyaruhondo ogodagua larugoni ndobe.
13 Í̠na kini andagaha muni siliba ngolobi ngeru bibahende ngiai hariyaguabi Anduane Homogohanda langirago mo wahalu i̱ni hame ledodagua nabulebero. Anduane Homogohanda la larago hangu labehe ko lalu tihondo lamirugoni, lene.
14 Balamahanda Balagahondo lalu, Áyu i̱ i̱ninaga wali agali karia dai bulebero. Isaraele wali agali o karunime mani í̠naga wali agalihondo ogodagua bulebira lalu í̠ manda bu habelo mo walia haro.
15 Ani lowa ibugua mbiwia ogodagua lene.
16 Ngode Datagaliwabehanda bi larago hale halu
17 Mbirali hendedogo mani holebiragonaga de hondo ko.
18 Ibugua ibu waitigi Idomo bo waholebira.
19 Isaraele hameiginirume bibahende karu bo hengeda hai holebira.
20 Balama ibugua de gandeba handalu hearia Amalegealiru paleago hondowa mbiwia halu lalu,
21 Ani lowa Balama ibugua de gandeba dege handalu Kenialiru paleago hondowa mbiwia ogodagua hene.
22 Anigoyu Asiria tigua tí garabaya haru haragola
23 Ani lowa Balama ibugua mbiwia halu bi ogo lalu,
24 Saibarasi agalirume iba taluni ibalu
25 Ani lai howa Balama ibu heyalu ibuni andaga dai biya handala Balaga ibubi nde ibuni andaga pene.