1 Moiranerie Omonene ng’a mbuya mono,
2 Terera Omonene, moterere amatera ay’okomotogia,
3 Etogerie erieta riaye richenu,
4 Rigia Omonene amo ne chinguru chiaye,
5 Inyora emeremo yo’gokumia eria akorire, ebikone biaye na ebiina biaye bi’ekeene arure
6 Inwe abanto b’ororeria rwa Aburaamu, omosomba O’ Omonene,
7 Ere nere Omonene, Nyasae oito,
8 Botambe nigo akoinyora okobwatana kwaye kw’ogotianania,
9 na okobwatana koria gw’ogotianania akorete na Aburaamu,
10 Okobwatana okwo akagokong’ia gokaba ogochika ase Yakobo,
11 akamoteebia, “Ninkoe ense ya Kaanani ebe egetari oraire kebe omwando oo.”
12 Ase engaki eria nigo barenge abanto abake ase omobaro,
13 Bakaba bagoetanana korwa ase egesaku ekemo gochia ase ekende,
14 Nyasae tatigete abanto bande baabachande;
15 agateeba, “Timobaisa gokuna abaakwa amaguta baane,
16 Ekero Omonene arentete enchara ase ense,
17 konya otomire omonto agwo ritang’ani,
18 Nigo asibetwe chingatare chigasionora amagoro aye,
19 goika ayabaanete agaikerana.
20 Omorwoti agatoma abanto bakamosibora,
21 Akamobeka akaba Omonene bw’enyomba yaye,
22 erinde abe ogotebereria abanene b’oborwoti boria buna anchete,
23 Erio Abaisraeli bagacha Misiri;
24 Omonene agasesenia abanto abwo bakabucha mono,
25 Omonene akaonchora chinkoro chi’Abamisiri,
26 Omonene agatoma Musa, omosomba oye,
27 Barabwo bakaorokia ebimanyererio ase egati y’abanto,
28 Omonene agatoma omosunte, na ense eria ekamwama ti.
29 Akaonchora amaache abo akaba amanyinga,
30 Ebioto bigacha bigaichora ase ense yabo
31 Omonene agakwana, ne chingi chinyinge mono chigaacha,
32 Akarenta amagena ’embura ribaga ri’embura,
33 Agasaria emesabibu na emeko yabo,
34 Agakwana, ne chingige chigaacha,
35 chikaria chigakoora ebimeri bi’ense eria,
36 Omonene agaita abana abatangi bonsi ase ense eria, ne ching’iti chintangi,
37 Eri’Omonene akang’anyia Abaisraeli korwa aroro bare ne chifeta ne chitaabu,
38 Abamisiri nigo babete nomogooko ekero Abaisraeli bang’anyete,
39 Omonene akarambora riire rigatuba abanto baye,
40 Ekero baboretie eki bakoria, ere agatoma chinkware,
41 Akabochora egetare, na amaache agasoka korwao,
42 Omonene akainyora eira eria enchenu ariete,
43 Ase igo akang’anyia abanto baye korwa ase ense eria bakaba bagochenga,
44 Akabaa chinse chi’abaanto b’ebisaku chikaba echiabo,
45 Ayio nigo akoregete, erinde Abaisraeli baigwere emeroberio yaye echiikire,