1 Aye omoyo one, togia Omonene!
2 Aye nigo bwetubete oborabu buna ogwetuba egetambaa gi’okwambara,
3 Aye nigo bwarete emiaro y’obomenyo bwao ase amaache,
4 Gwakorire abamalaika bao babeire chimbeo,
5 Aye nigo otenenetie ense bokong’u igoro ase amaroso aye,
6 Nigo kwayetubete chindiba buna eanga egotuba,
7 Ekero gwatogonyerete amaache ayio, nigo atamete,
8 Agatiira gochia ebitunwa igoro, na agatirimboka gochia ase amakura inse,
9 Nigo kwabegete chimbebe aase amaache atanyare goetania,
10 Nigo ogotubokia chinsoko ase amagoko,
11 Chinsoko echio nigo chikoa ching’iti chionsi amaache chianywa,
12 Chinyoni nigo chikomenya ang’e na chirochio,
13 Korwa agwo igoro ase omenyete, nigo ogotweria ebitunwa embura,
14 Nigo okomeria obonyansi ching’iti chikorisia,
15 Abanto nigo bakonywa edivai na baba nomogooko;
16 Emete y’Omonene nigo egoisaneka namaache,
17 Chinyoni nigo chikoagacha ebiswa biabo ase emete eyio,
18 Ebitunwa ebitambe nabio bire obomenyo bwe chimbori chi’orosana,
19 Aye kwabekire omotienyi obeire ekemanyererio gie chingaki,
20 Aye nigo okorenta omosunte bwaba botuko,
21 Chindo chinsae nigo chikoronya ekero chigotwara,
22 Ekero erioba rigochia kooroka chiairana,
23 Mwanyabaanto nigo bakogenda ase emeremo yabo,
24 Aye Omonene, naki ogokora kwao kore okonene!
25 Enyancha nero enene naende engare; nigo eichire nebitongwa bire moyo bitari kobareka,
26 Chimeeri nao chigoeta,
27 Ebitongwa ebio bionsi naye bisemeretie,
28 Ekero kwabieire endagera, nigo bikoyesangereria;
29 Ekero kwabisire obosio bwao, nigo bikoba nobwoba obonene;
30 Ekero ogotoma omoika oo, nigo bigotongwa,
31 Tiga obonene bw’Omonene bogenderere kobao kare na kare;
32 Ere nigo akorigereria ense, nero yatengecha,
33 Ninterere Omonene ase obogima bwane bwonsi,
34 Tiga Omonene agokigwe nebirengererio ebio biane,
35 Abanyabibe tiga basirigwe korwa ase ense,