1 Motogie Omonene!
2 Ning’o oranyare goteeba ogokora okonene kw’Omonene,
3 Mbasesenirie abanto abwo bagokora oboronge,
4 Omonene, ong’inyore ekero okororera abanto bao amaabera,
5 Erio inyare korora ebisio abanto bao abachore baranyore,
6 Intwe twakorire ebibe buna chisokoro chiaito chiakorete;
7 Ekero chisokoro chiaito chiarenge Misiri,
8 Nonya naboigo Omonene akabatooria ase engencho y’erieta riaye,
9 Nigo atogonyerete Enyancha eria Embariri egakamoka,
10 Naboigo Omonene akabatooria korwa ase amaboko ay’abaabagechete
11 Amaache akamera kegima abachandi baria babo;
12 Erio bakwegena ring’ana ri’Omonene,
13 Korende ase obwango bakeba ogokora kwaye,
14 Barabwo nigo babete nobotoonu bw’okogania endagera.
15 Ere akabaa egento baboretie baegwe,
16 Ekero abanto b’egetwori babete ne ribero ase Musa,
17 riroba rikabwereka rikamera Datani,
18 Boigo omorero ogatuboka agwo ase egati y’ekeombe kiabo,
19 Abanto bakaroisia omogwekano bw’emori agwo Horebu,
20 Barabwo bakaonchoreria oyorenge obonene bwabo,
21 Bakeba Nyasae, Omotooria obo,
22 oria okorete ogokora kw’ogokumia ase ense ya Hamu,
23 Ase ayio Omonene akarengereria ng’a abasirie,
24 Abanto bagachaaya ense eria yarenge engiya,
25 Ekero barenge ase chiema chiabo ime nigo bemurunganetie,
26 Ase ayio akarambora okoboko kwaye igoro yaabo,
27 naende ng’a asiarere abanto b’ororeria rwabo,
28 Abaisraeli bakabwatana na Baali, enyasae ya Peori,
29 Ase igo ogokora okwo kwabo gokagechia Omonene goika akaba nendamwamu,
30 Erio Finehasi agatenena agaakanera amabe ayio akoretwe,
31 Ase engencho y’ogokora okwo Finehasi akabarwa ng’a nomonyene oboronge aare,
32 Abanto bakagechia Omonene agwo ase amaache a Meriba,
33 Nigo bagechetie enkoro ya Musa,
34 Abaisraeli tibaitete basirie kegima abanto b’ebisaku,
35 Korende nigo basang’ananete n’abanto abwo
36 Nigo bakorerete emegwekano yaabo baare gosasiima,
37 Barabwo nigo baruete abana babo, abamura na abaiseke,
38 Bagaitera amanyinga ya bana babo, abamura na abaiseke, abatari na komocha,
39 Ase ayio abanto abwo bagesoyia ase ogotacheneka ase engencho y’ogokora kwabo,
40 Eri’Omonene akaba nendamwamu ase abanto baye,
41 Akababeka ase amaboko ya banto b’ebisaku,
42 Ababisa babo bakabakorera bobe,
43 Ase chingaki chinyinge Omonene nigo arenge kobatooria,
44 Nonya naboigo nabechanderete ase emechando yaabo,
45 Ase engencho yaabo nigo ainyorete okobwatana kwaye kw’ogotianania,
46 Nigo agerete abwo babosete bakabarorera amaabera.
47 Aye Omonene, Nyasae oito, totoorie;
48 Omonene, Nyasae bw’Abaisraeli, atogigwe korwa kare goika kare na kare;