1 Xera'y, eikuaa pota ke 'arandu rupi xeayvua re.
2 'arandu re reiko aguã,
3 Ha'e rã kunha itavy rei va'e ijayvua ma ei rami ete he'ẽ,
4 opaa py ma tai va'e rami 'rã haxy ndevy,
5 Ipy ma manoa katy oguejy ovy,
6 Ndoikuaa potai ovy tape tekove katy oo va'e re,
7 Ha'e nunga rupi aỹ xera'y, ejapyxaka xeayvu re,
8 Ejepe'a ke kunha tavy rei gui,
9 joupe remboaxa e'ỹ aguã nemboetea aguã va'ekue,
10 reikuaa e'ỹ va'e pe rive remboaxa e'ỹ aguã nemba'e rei-rei,
11 Ha'e rami e'ỹ vy remano ta ma vy nepoaẽ 'rã rejupy,
12 Ha'e vy aipo're 'rã:
13 Naendu potai xembo'ea kuery ijayvua,
14 Mba'eta aỹ ma aĩ vai aguã rami aiko
15 Ha'e nunga rupi ey'u nde'ygua gui ae,
16 Tyrã pa oka katy rive ri ty'y renhoẽ ta nde'ygua gui,
17 Ha'e rami 'rãgue py ndevy guarã ae 'rã rereko,
18 Toiko porã nde'ygua,
19 Ha'e ae ndevygua toiko guaxu iporã va'e rami.
20 Xera'y, mba'e re 'rã tu renhembotavy uka kunha mboae pe?
21 Mba'eta nhande jaikoa ma Senhor oexapa,
22 Heko vai va'e ma mba'emo vai ojapoague py ae 'rã ho'a.
23 Omano 'rã ndojejokoi reia py,