1 Xera'y, xapy'a rei neirũ orevea repaga aguã rami reiko 'rã,
2 Xapy'a rei rã aipo'reague py ae reiko 'rã ojokua pyre,
3 Xera'y, ha'e rami ri ramo aỹ ma po rami 'rã reiko
4 Nda'evei reke ranhe aguã,
5 Tereo jepe nho pota ke, guaxu e'ỹ vy guyra
6 Ndee inhate'ỹ va'e, tereo eikuaa pota tay kuery reko re,
7 Ha'e kuery ma ndoguerekoi nguvixa,
8 Ha'e rami teĩ kuaray puku py voi ha'e kuery omoĩ porã 'rã ho'u va'erã,
9 Ndee inhate'ỹ va'e, raka'e peve tu renheno 'rã rejupy?
10 Mba'eta “Takeve'i ju ranhe” 're vy repytu'uve tema 'rã,
11 Ha'e rami ae 'rã ovaẽ xapy'a nemomboriauarã imonda va'e rami,
12 Avakue mba'everã ovare e'ỹ va'e, heko vai va'e ma
13 Oxapymi-pymi ha'e opy omomy-momyĩ rei 'rã okuapy,
14 Ha'e gui ipy'a re ma ha'eve e'ỹ va'e anho 'rã oĩ,
15 Ha'e nunga rupi imokanhyarã ou xapy'a 'rã.
16 Mba'eta mboapy meme regua oiko Senhor ndojou porãi va'e,
17 ha'e va'e ma guexa py onhemboyvate rei va'e,
18 opy'a py mba'emo vairã re rive oikuaa pota va'e,
19 joekokue ramigua rive ijapu vy omombe'u va'e,
20 Xera'y, nderexarai eme nderu ijayvuague re,
21 Emoĩ porã ke ndepy'a re,
22 Mba'eta ha'e va'e ayvu ma reguataa rupi nderereko 'rã,
23 Mba'eta ojapo uka pyre ma tataendy rami 'rã oĩ,
24 ndejoko aguã kunha itavy rei va'e gui,
25 Ha'e nunga iporãa rexa teĩ emoaruã rei eme,
26 Mba'eta kunha itavy rei va'e pe ma mbovy'i 'rã opagaa peteĩ mbojape repyrã rive,
27 Amongue opexo re tata oikuavã heravy ramo
28 Ha'e rami e'ỹ vy tapyĩ áry oguata vy nda'u
29 Ha'e rami ae 'rã oirũ ra'yxy reve itavy va'e re oiko.
30 Imonda va'e minha karuai gui imonda teĩ
31 Mba'eta ha'e nunga ojoua ri vy sete-kue áryve 'rã ombopagaa.
32 Ha'e rã kunha mboae reve itavy rei va'e ma na'inhakã porãvei ae.
33 Ha'e rire oendu 'rã oinupãmba rã oxĩmba aguã.
34 Mba'eta ime hakate'ỹ vy ipoxy 'rãe,
35 Neĩ mba'eve ndojopyxei 'rã onhemboaxy ukaa rupi ome'ẽ va'e voi,