1 Xera'y, nderexarai eme xeayvua re,
2 Ejapo ke ajapo uka va'e, ha'e vy 'rã reikove.
3 Emoĩ ke xee rombo'ea nekuã regua rami,
4 'Arandua pe ma aipo'ere: “Xereindy ae'i”,
5 Mba'eta ha'e nunga ndejoko 'rã kunha mboae gui,
6 Ha'e gui xero re janela yvate oĩ gui,
7 aexa reta karamboae hi'arandu e'ỹ va'e.
8 Ha'e va'e ma peteĩ tape'i rupi oo oiny,
9 ka'aru'i, kuaray oike ramo'i jave,
10 Ha'e gui ma ha'e va'e kunha oẽ ovaexĩ aguã.
11 Itavy aguã re anho 'rã ipy'a va'e,
12 Amongue py tape pia rupi 'rã hekony,
13 Ha'e gui ma kunumi va'e re onhemboja vy oayvu.
14 “Tembi'u areko ja'u aguã, ange amboaxa va'ekue regua.
15 Ha'e rami vy aju ainy roeka vy.
16 Ha'e gui xerupa ma anhovãmba ma voi
17 Xerupa amoeakuãmba ma avi mirra py,
18 Jaa ke, jajoayvua py nhaĩ pytũ mbukukue re.
19 Ha'e gui xeme ma noĩ xero py.
20 Peráta heta ogueraa ovoko py.
21 Ha'e rami vy kunha va'e ijayvu porã kuaa vy ombotavy ete,
22 Ha'e ramo kunumi va'e ma are'ỹ'i re oo oiny hexeve,
23 ipy'a rupi hu'y onhyvõ peve,
24 Aỹ ma xera'y, ejapyxaka porã ke,
25 Neĩ ndepy'a eme ha'e va'e nunga kunha reve rejereraa uka aguã,
26 Mba'eta ha'e nunga heta ma oity avakue, ombojexavai guive.
27 Ha'e va'e ro via ma yvyra rupa katy nhandereraa va'e,