1 Xera'y kuery, pendu ke penderu penembo'ea.
2 Mba'eta xee ma iporã va'e re rombo'e.
3 Ha'e gui xee voi ta'y aiko va'ekue xeru ro py.
4 Ha'e jave py xeru xembo'e vy aipoe'i:
5 Emoĩ ne'arandurã ha'e mba'emo reikuaa aguã.
6 Ejepe'a eme 'arandua rupi reikoa gui. Ha'e ramo 'rãe ndere opena porã.
7 'Arandua ma iporãve va'e ramo emoĩ ne'arandurã.
8 Embovare ete ke 'arandua, ha'e ramo 'rã nemboyvateve.
9 Neakã re omoĩ 'rã akã regua iporãve va'e,
10 Xera'y, ejapyxaka ke, ha'e ejopy xeayvu.
11 Mba'eta xee rombo'ea ma tape 'arandua katy oo va'e rupi reo aguã,
12 Ha'e va'e rupi reguata ramo
13 Ha'e nunga rupi emoĩ porã ete rombo'eague, nderexarai eme.
14 Nderepiai 'rã heko vai va'e kuery ooa katy.
15 Ejapo eme ha'e kuery ojapo va'e.
16 Mba'eta ha'e kuery ma mba'emo vai ojapo e'ỹa ja ndokei 'rã.
17 Mba'eta ha'e kuery mbojape ho'u va'e ma teko vai anho,
18 Ha'e rã heko porã va'e ikuaia ma ko'ẽ ouvy va'e rami hexakã,
19 Ha'e rã heko vai va'e reko ma pytũ rupi oo va'e rami.
20 Xera'y, endu pota xeayvua re.
21 Emboyke eme nderexa py rexa va'ekue.
22 Mba'eta oupity va'e pe ma tekove me'ẽa oĩ,
23 Opa mba'e re repenaa gui epena porãve ndepy'a re,
24 Emombytu'u ndejuru ndeapu reiaty gui,
25 Nderexa toexa porã ovy nerenonderã ae.
26 Eikuaa pota porã ke repyrõa re,
27 Epia eme reiporu kuaa katy neĩ reiporu kuaa e'ỹa katy.