1 Yoobu u nɛɛ,
2 Tem diyɑ bɑ rɑ mɑɑ sisu wunɛ,
3 Be bɑ sisu sɔwɑmɔ,
4 kpɑ bu wɔru ɡbe sere tem sɔɔwɔ,
5 Tem wɔllɔwɑ dĩɑnu rɑ kpi.
6 Tem sɔɔ miyɑ kpee ɡobiɡinu rɑ n wɑ̃ɑ.
7 Kɑsɑ yɑ ǹ swɑɑ ye yɛ̃.
8 Gbee sunɔ kɑ yɛɛ yi yi tii nɑɑnɛ sɑ̃ɑ yi ǹ ye mwɑɑre.
9 Adɑmɑ tɔnu u kɑ̃kɑ u kperu wɔri u kɔsukɑ,
10 Kpee ten nɔɔwɔrɑ u rɑ swɛɛ wunɛ,
11 Ù n nim kɑmɛ sɔɔ mi, u rɑ mu swɑɑ ɡɑnɛwɑ,
12 Adɑmɑ mɑnɑ tɔnu u koo kpĩ u bwisi wɑ.
13 Tɔnu kun yin ɡobin ɡeeru yɛ̃.
14 Yi ǹ wɑ̃ɑ dɑɑrɔ.
15 Bɑ ǹ kpɛ̃ bu kɑ yi wurɑ kɔsinɑ.
16 Bɑ ǹ kpɛ̃ bu yi weesinɑ kɑ wurɑ ye yɑ wee Ofirin di,
17 Bɑ ǹ kpɛ̃ bu yi weesinɑ kɑ diɡi,
18 kɑɑ sere ɡere kpee ɡobiɡii ni bɑ sokumɔ korɑi kɑ kirisitɑli?
19 Bɑ ǹ kpɛ̃ bu kɑ yi Etiopin kpee ɡobiɡii ni nu nɔni dɔm buuru mɔ weesinɑ.
20 Ǹ n mɛn nɑ, mɑn diyɑ bwisi yi wee.
21 Tɔnu kun kpɛ̃ u yi wɑ kɑ nɔni.
22 Gɔɔ kɑ ɡɔribun wɑ̃ɑ yerɑ koo nɛɛwɑ,
23 Gusunɔ turowɑ u bwisin swɑɑ yɛ̃.
24 Domi wiyɑ u hɑnduniɑn ɡoonu nnɛ kpuro wɑɑmɔ.
25 Sɑnɑm mɛ u wom bunum mɛɛrɑ
26 kɑ sere swɛɛ yi ɡurɑ koo swĩi yu kɑ nɛ,
27 yerɑ u bwisi yi wɑ.
28 Sɑɑ yerɑ u tɔmbu sɔ̃ɔwɑ u nɛɛ,