1 Yoobu u mɑɑ win ɡɑri ɡerum wɔri u nɛɛ,
2 nɑ kĩ nɛn yellun wɑ̃ɑru tu wurɑmɑ
3 Nɑ kĩ nɑ n wɑ̃ɑ nɡe sɑɑ ye u fitilɑ sɔ̃re nɛn wuswɑɑɔ,
4 Nɑ kĩ nɑ n sɑ̃ɑwɑ nɡe sɑɑ yè sɔɔ nɑ dɑm mɔ,
5 Sɑɑ ye sɔɔ, Gusunɔ Dɑm kpuroɡii u kɑ mɑn wɑ̃ɑ,
6 Mɛyɑ nɛn yɑɑ sɑbenu nu rɑ n bom yibɑ.
7 Sɑɑ ye sɔɔ, nɑ̀ n yɑrɑ tɔɔwɔ nɑ dɑ nɑ sinɑ wuun ɡbɑ̃rɑrun kɔnnɔwɔ
8 ɑluwɑɑsibɑ bɑ̀ n mɑn wɑ,
9 Tɔn bokobu bɑ̀ n mɑn wɑ bɑ rɑ ben ɡɑri ɡerubu yɔ̃rewɑ.
10 Mɛyɑ mɑɑ sinɑmbu bɑ rɑ nɔɔ mɑri,
11 Wi u nɛn ɡɑri nuɑ u rɑ nɛɛwɑ, doo nɔɔruɡiiwɑ nɑ sɑ̃ɑ.
12 Domi nɑ rɑ wɔnwɔndo somi ù n somiru kɑnɑ,
13 Be bɑ ɡɔɔ dɔɔ, bɑ rɑ mɑn domɑru kuewɑ.
14 Gem kobu bu rɑ n mɑn wɑ̃ɑsiwɑ nɡe yɑbe te nɑ sebuɑ,
15 Nɑ rɑ n sɑ̃ɑwɑ wɔ̃kobun nɔni,
16 Nɑ kuɑ sɑ̃ɑrobun tundo.
17 Adɑmɑ nɑ rɑ tɔn kɔ̃sobun nɔsu bɔɔku,
18 Mɑ nɑ tii sɔ̃ɔwɑ nɑ nɛɛ,
19 Ko nɑ n sɑ̃ɑwɑ nɡe dɑ̃ɑ tèn ɡbini yi wɑ̃ɑ nim bɔkuɔ.
20 Sɑɑ ye sɔɔ, nɛn yiiko yɑ koo wurɑmɑ,
21 Yellu, tɔmbu bɑ rɑ yɔ̃rewɑ bu nɛn ɡɑri swɑɑ dɑki.
22 Nɑ̀ n ɡɑri ɡeruɑ nɑ kpɑ, ɡoo ku rɑ mɑɑ ɡɑ̃ɑnu wisi.
23 Be kpuro bɑ rɑ n mɑn mɑrɑwɑ nɡe tom buruku ɡurɑ.
24 Kpɑ n yɛ̃ɛ musɛɛ n kɑ bu dɑm kɛ̃ sɑnɑm mɛ bɑ dɑm bie.
25 Nɛnɑ nɑ rɑ n bu swɑɑ ɡbiiye,