1 Tɛ̃ wee bibu bɑ mɑn yɛ̃ɛmɔ,
2 Mbɑ bɑ koo rɑɑ kpĩ bu mɑn kuɑ,
3 Wee bɑ sɑ̃ɑru kɑ ɡɔ̃ɔru soore.
4 Bɑ rɑ dewɑ dɑ̃ɑ kikun bɔkuɔ bu yɑkɔ burɑ ɡe ɡɑ bɔru mɔ ɡɑ n sɑ̃ɑ ben dĩɑnu,
5 Bɑ rɑ bu ɡirewɑ tɔmbun suunu sɔɔn di,
6 Kpɑ bu dɑ bɑ n wɑ̃ɑ kpee wɔrusɔ kɑ wɔwi sɔɔ,
7 bɑ n wɑ̃ɑ bɑ n tɑɑsinɛ sɑ̃kin suunu sɔɔ,
8 bɑ n sɑ̃ɑre nɡe wiirobu,
9 Tɛ̃ wee, ben bibɑ bɑ mɑn yɛ̃ɛmɔ,
10 Bɑ rɑ mɑn biru kisi yèn sɔ̃ bɑ ǹ kĩ bu mɑn wɑ.
11 Domi Gusunɔ u mɑn funɛ wunɑ, u sekuru doke.
12 Tɔn kɔ̃so be, bɑ mɑn seesimɔ.
13 Bɑ nɛn swɛɛ bɔɔrɑ.
14 Be wee bɑ yɑbɑ mi nɑ kukuɑ.
15 Mɑ bɛrum mɑn mwɑ,
16 Tɛ̃, nɑ wɑ̃ɑwɑ ɡɔɔ sɔɔ.
17 Nɛn kukunu kpuro rɑ n tennɑmɔwɑ wɔ̃kuru.
18 Yɑ mɑn sɛ̃ke bɑɑmɑ kɑ dɑm nɡe yɑberun wĩiru.
19 Wee Gusunɔ u mɑn kpɛ̃ɛ pɔtɔkɔ sɔɔ.
20 Gusunɔ nɛn Yinni, nɑ nun somiru kɑnɑmɔ,
21 A sɛ̃siɑwɑ,
22 Wee ɑ derɑ woo ɡunɑ yɑ mɑn suɑ yɑ toorimɔ.
23 Domi nɑ yɛ̃ mɑ ɑ kɑ mɑn dɔɔwɑ ɡɔribun wɑ̃ɑ yerɔ
24 Adɑmɑ kɑ mɛ, bɑɑ tɔnu ù n ɡɔɔ dɔɔ,
25 Nɑ ǹ bu swĩiyɛ be wɑ̃ɑrɑ sɛ̃sie?
26 Wee nuku dobɑ nɑ rɑ n yĩiyɔ,
27 Nɛn bwɛ̃rɑ ku rɑ kpunɛ
28 Nɑ rɑ n sĩimɔwɑ nuku sɑnkirɑru sɔɔ.
29 Nɛn ɡɔɔ wuri yin sɔ̃,
30 Nɛn ɡɔnɑ tĩrɑ, nɛn wɑsi ɡberɑmɔ.
31 Tɛ̃ nɛn mɔrɔku ɡɑ wɑ̃ɑwɑ n kɑ ɡɔɔ wuri ko.