1 Nɑ kɑ nɛn nɔni ɑrukɑwɑni bɔkuɑ nɑ nɛɛ,
2 Ǹ n mɛn nɑ, ɑre yirɑ̀ Gusunɔ Dɑm kpuroɡii u mɑn yiiye wɔllɔ.
3 Tɔn kɔ̃sowɑ u rɑ kɑm ko,
4 Gusunɔ u nɛn swɑɑ yɛ̃.
7 Nɛn sɑnu sɑnusu sù kun sɑ̃ɑ dee dee,
8 Gusunɔ u de ye nɑ duurɑ, ɡoo u ye tubi di u ɡɛ̃,
9 Nɑ̀ n mɑɑ kurɔ ɡoo binɛ kuɑ,
10 Gusunɔ u de nɛn kurɔ u durɔ ɡoo doo kuɑ,
13 Nɑ̀ n yinɑ n nɛn sɔm kowobu ben kɔsiɑru wɛ̃,
14 mbɑ kon kpĩ n ɡere Gusunɔn wuswɑɑɔ.
15 Gusunɔ wi u mɑn tɑkɑ kuɑ nɛn mɛron nukurɔ,
16 Nɑ ǹ sɑ̃ɑrobu yinɑri ye bɑ mɑn bikiɑ.
17 Nɑ ǹ ɡobeku dĩɑnu birɑre nɛn yɛnuɔ.
18 Domi sɑɑ nɛn ɑluwɑɑsirun di,
19 Nɑ̀ n wɔnwɔndo ɡoo wɑ u yɑ̃nun bukɑtɑ mɔ,
20 nɑ rɑ nùn yɑ̃nu kɛ̃wɑ ni nɑ kuɑ kɑ nɛn yɑɑ sɑbenun sɑnsu u kɑ wooru yɑri.
21 Nɑ ǹ ɡobeku ɡoo tɑki diire
22 Nɑ̀ n yeni kpuron ɡɑɑ koore,
23 Domi Gusunɔn sɛɛyɑsiɑbu bu mɑn bɛrum mɔ̀.
24 Nɑ ǹ nɛn nɑɑnɛ dokere wurɑ sɔɔ,
25 Nɑ ǹ mɑɑ tii suɑre nɛn dukiɑn kpɑ̃ɑrun sɔ̃.
26 Nɑ ǹ suru ǹ kun mɛ sɔ̃ɔ sɑ̃ɑre,
27 Nɛn ɡɔ̃ru ɡɑ ǹ wurɑre ben mi ɡiɑ ɑsiri sɔɔ.
28 Nɑ̀ n yen ɡɑɑ koore,
29 Nɑ ku rɑ nuku dobu ko nɛn yibɛrɛ ù n nɔni sɔ̃ɔre.
30 Nɑ ǹ mɑm torɑre n win ɡɔɔ kɑnɑ kɑ bɔ̃ri.
31 Nɛn yɛnuɡibu bɑ yɛ̃ mɑ nɑ rɑ sɔbu dɑm koosie,
32 Nɑ ku rɑ wure sɔɔ u kpunɑ tɔɔwɔ ù n tunumɑ.
33 Nɑ ku rɑ nɛn torɑnu bere nɡe tɔn be bɑ tie.
34 Nɑ ku rɑ n tɔmbun ɡeren bɛrum mɔ.
35 Nɛn ɡɑri dɑ̃ɑki wee.
36 kon tu sɔndiwɑ nɛn senɔ,
37 Kon Gusunɔ susiwɑ nɡe sinɑ boko,
38 Nɛn ɡberu tɑ̀ n mɑn wuri koosi,
39 ǹ kun mɛ, nɑ̀ n ten dĩɑnu di nɑ ǹ ɡɑ̃ɑnu kɔsie,
40 tu sɑ̃ki kɑ yɑkɑ kɔ̃susu kpiiyo dĩɑnun ɑyerɔ.