1 Yoobu u kpɑm win ɡɑri ɡerubu toruɑ u nɛɛ,
2 nɑ bɔ̃rumɔ nɑ mɔ̀,
3 ù n ɡesi derɑ nɑ wɑ̃ɑ nɑ wɛ̃siɑmɔ,
4 nɑ ǹ weesu mɔ̀.
5 Gusunɔ u mɑn bere n kɑ bɛɛ ɡem wɛ̃.
6 Nɑ yɔ̃rɑriwɑ mɑ nɛn dɑɑ yɑ wɑ̃.
7 Gusunɔ u de tɔn kɔ̃son kɔkɔrɔ
8 Sɑnɑm mɛ Gusunɔ u tɔn kɔ̃son wɑ̃ɑru wunɑ,
9 Gusunɔ u koo nùn swɑɑ dɑki
10 I tɑmɑɑ u ko n win nuku dobu kɑsu Gusunɔ Dɑm kpuroɡiin mi?
11 Kon bɛɛ Gusunɔn dɑm ɡɑri sɔ̃wɑ.
12 Bɛɛ kpuro i wɑ nɡe mɛ u sɑ̃ɑ.
13 Wee ye Gusunɔ Dɑm kpuroɡii u tɔn kɔ̃so yiiye.
14 Bɑ̀ n bibu mɑrɑ bɑ dɑbi, bɑ koo ɡbiwɑ tɑbu sɔɔ.
15 Bɑrɑrɑ tɑ koo ben bwese te tɑ tie suɑ.
16 Bɑɑ bɑ̀ n ɡobi wɑɑmɔ nɡe tuɑ,
17 ɡemɡiiwɑ u koo yɑ̃ɑ ni dendi,
18 Tɔn kɔ̃so ù n diru bɑnɑ tɑ ko n sɑ̃ɑwɑ nɡe nɑrin wɛ̃ɛ,
19 U koo ɡbiwɑ kɑ ɡobiɡiru.
20 Nɑndɑbɑ bu koo nùn deemɑ subɑru sɔɔ nɡe nim mɛ mu dɑru bɔ̃ɔ sɑrɑmɔ.
21 Sɔ̃ɔ yɑri yerun woowɑ ɡɑ rɑ nùn wuke sɑɑ win wɑ̃ɑ yerun di
22 Gusunɔ u ko n nùn tweemɔwɑ kɑ wɔnwɔndu sɑriru.
23 Tɔmbu bɑ̀ n wɑ mɛsum kpɑ bu nùn yɛ̃ɛ bɑ n tɑki mɔ̀,