1 Yoobu u Bilidɑ wisɑ u nɛɛ,
2 Bilidɑ, wunɛn wisibu bu ǹ dɑm sɑriruɡii somimɔ.
3 Annɑ ɑ bwisi kɛ̃ru wɑ te ɑ wi u kun bwisi mɔ kɛ̃mɔ.
4 Wɑrɑ ɑ ɡɑri yini sɔ̃ɔmɔ.
5 Be bɑ ɡu bɑ wɑ̃ɑ sere nim wɔ̃kun tem sɔɔwɔ,
6 Domi Gusunɔ u be kpuro wɑɑmɔ.
7 Wiyɑ u sɔ̃ɔ yɛ̃sɑn nɔm ɡeu doke wom dirum sɔɔ.
8 Mɑ u nim bɑnisi ɡuru winu sɔɔ.
9 Wiyɑ u rɑ de ɡuru winu nu win sinɑ ɡɔnɑ wukiri.
10 Mɑ u bubenu kuɑ nim wɔ̃kun wɔllɔ,
11 Gusunɔ ù n ɡbɑ̃rɑ,
12 Kɑ win dɑmɑ u rɑ nim wɔ̃kun nim kɔsuku.
13 Ù n wom wurɑ, wɔllu kpuro tɑ rɑ dɛɛrewɑ nɡe bɑ kurɑ.
14 Adɑmɑ yeni kpuro yɑ sɑ̃ɑwɑ win kookoo piiminu.