1 Ritonõpo yna Esemy, “Kure mase,” kary oya
2 yna pyno oehtoh ekarory pakeimo,
3 haapa maro eremiãko ynanase oya, 10me toare exiketymã pokona.
4 Ritonõpo, onyrityã ajamitunuru ke
5 Ritonõpo, inunõ konõto onyrityã mana!
6 Tuaro pyra exikety zuaro pyra mana,
7 popyra exiketõ emãnõko ãtarykahmã samo,
8 Omoro Ritonõpo tuisa imehxo mase,
9 Zuaro ynanase, oepetõkara emero orihnõko mã toto, popyra exiketõ emero typoremãkasẽme exĩko mana.
10 Tyjamihtanohse ywy oya pui orutua itu htaõ samo; kure kyriase tãkye jehtoh ke.
11 Jepetõkara poremãkatopõpyry tonese ya,
12 Zae ehtoh poko exiketõ kure exĩko, airiki tõ samo; orẽpyra exĩko mã toto zae ehtoh poko, apupari ahtary samo ypy Ripano po.
13 Wewe sã exĩko mã toto,
14 Tamuhpõme toehse ahtao kure ro exĩko mã toto zae ehtoh poko, eperytaketõ samo, ahtãko ro, jamihme ro.
15 Moro imehnõ enetupuhpõko mana zae Ritonõpo ehtoh poko, Jewomane zae rokẽ mana, azahkuru pyra mã ipunaka.