1 Ritonõpo a ytokety osewomatohme, tehme
2 zae ynara ãko eya mana:
3 Opynanohnõko Ritonõpo mana, apoitoh taka
4 Taporihke exikety typoenõ ewomary sã
5 Oserehpyra exĩko mase apoitoh poko koko,
6 Enaromyra mase exĩko tyrohsẽ poko koko,
7 Miume ahno totapase ahtao opũto,
8 Osenuhmãko mase,
9 Ritonõpo tyrise oya opynanohneme,
10 morara exiryke popyra ehtoh oetapara
11 Tynenyohtyã ripõko Ritonõpo mana
12 Tomary ke ãpoĩko mã toto epuhtãmara opupuru ehtohme topu tõ pona.
13 Opupuru ke reão tõ tũtũmãko mase, okoi tõ roropa, reão tõ osekatõ komo te, okoi tõ orihmatõ komo.
14 Ynara ãko Ritonõpo mana: “Ypyno exiketõ
15 Ykohmaryhtao eya xine ezuhnõko ase,
16 Isene toto ehtoh ke toto epehmãko ase;