1 Eremiatoko Ritonõpo Kuesẽkõ eahmaryme,
2 “Kure mase,” kahtoko Ritonõpo a rira tõ maro,
3 Eremiatoko Ritonõpo netaryme,
4 Ritonõpo omiry ajohpe pyra mana;
5 Zae ehtoh sehxo Ritonõpo Kuesẽkõ mana,
6 Tõmiry ke kapu tõkehko tyrise Kuesẽkomo a.
7 Oximõme tuna konõto tõ tyrise Ritonõpo a
8 Ah sero nono põkõ emero Ritonõpo Kuesẽkõ
9 Aotururuhtao sero nono tyrise kehko.
10 Ahno tõ osenetupuhtoh tyritohme,
11 Yrome tyriry se Ritonõpo ehtoh
12 Tãkye mã mokaro tosẽke exiketomo,
13 Ritonõpo Kuesẽkõ kapu poe osenuhmãko
14 Tosae enẽko mana,
15 Aosenetupuhtohkõ rĩko Ritonõpo mana,
16 Tuisa tõ osepynanohpyra mã toto
17 Kawaru tõ osetapaketõ topetõkara
18 Ritonõpo Kuesẽkõ rokẽ mã
19 Toto pynanohnõko mana orihpyra toto ehtohme.
20 Ritonõpo enetupuhnõko sytatose Kuesẽkõme;
21 Atãkyemãko sytatose Kuesẽkõ nyrihpyry pokoino;
22 Ritonõpo yna Esemy, yna pyno exikehpyra exiko, oenetupuhnõko ynanase!