1 “Kure mase, Ritonõpo Jesemy,” kakehpyra ase;
2 Eahmãko ase inyrityã kurã pokoino.
3 Oximaro imehxo Ritonõpo ehtoh sekarotone
4 Tõturuse ywy Kuesẽkomo a jakorehmatohme,
5 Typynanohnekomo a eramaketõ atãkyemãko mã
6 Takorehmaneke pyra jahtao tykohtase ywy;
7 Ritonõpo nenyokyhpyry osesarĩko mana
8 Anusasame Ritonõpo Kuesẽkõ ehtoh
9 Imehxo Kuesẽkõ enetupuhnanõ,
10 Reão tõ omise exĩko, emitapãnõko mã toto,
11 Osehtoko, jepe tõ poetohti, kuetatoko ke,
12 Oseahmary se hmatou isene ehtoh poko?
13 Ahtao omi xihpyry ke oturupyra ehtoko,
14 Popyra ehtoh irumekatoko,
15 Zae ehtoh poko exiketõ pyno Kuesẽkõ mana,
16 Yrome popyra ehtoh poko exiketõ
17 “Kuakorehmako, Jesemy!” tykohmase ahtao
18 Sekese pyra exiketõ wino moe pyra Kuesẽkõ mana, atasamaketõ pynanohnõko mana.
19 Zae ehtoh poko exiketõ etuarimãko roropa mana, yrome morara toehse ahtao toto
20 Toto ewomãko mana, ipunaka;
21 Popyra ehtoh poko exiketõ orihnõko mã toto
22 Typoetory tõ pynanohnõko Kuesẽkõ mana;