1 Gokḻen neda', Dios, ḻo yeḻa' ži'i ḻaže' chio'.
2 Wdíb neda' che da' bi nak chawe' da' bena'.
3 Žeyónbi'a bži'a chio' Le' ḻen dan' bena'.
4 Ḻawo' Le' bena' doḻan'. O', ḻawo' Le'.
5 Bwia nga, bache nbága'kza' doḻa' katen' golja'.
6 Žak ḻažo'o Le' soa da' likze ḻo yichj ḻáẕda'wa',
7 Bka'n chawe' neda' ḻen da' ẕkonlo' žin, na' yega'na' chawe'.
8 Bzoa chia' yeḻa' žebele, na' yeḻa' ba nez,
9 Bi chejsá' ḻažo'o doḻa' ka' nbaga'a,
10 Dios, beyón chawe' yichj ḻáẕda'wa',
11 Bi wkwaso' neda' ḻawo' Le',
12 Bebí'i chia' yeḻa' žebele che yeḻa' weslá chio',
13 Naž wsedla' benne' wen da' ẕinnj ka' da' žaz ḻažo'o góngake',
14 Beslá neda' ḻo ẕia da' nbaga'a, beta' to benne'.
15 X̱ana' Dios, bsaljw žoa'a,
16 Bi žaz ḻažo'o biado' ka' gota'-ba' ḻawo' Le',
17 Da' žaḻa' ko'ožo ḻaw Dios da' žaz ḻaže'e naken to ḻaẕdo' gax̱jw ḻaže'.
18 Ḻo yeḻa' ži'i ḻaže' chio', ben chawe' yež Sión.
19 Naž chaz ḻažo'o biado' ka' gotto' ḻawo' Le' ḻo da' nak chawe',