1 ¿Ẕka'n ẕen kwino', benne' waḻe, ni'a che da' ẕinnj da' beno'
2 Ẕcháḻjtezo' che da' ẕia da' gono' che lježo'.
3 Nží'iželo' da' bi nak chawe' ka nži'ilo' da' naken chawe'
4 Nži'ilo' diža' ka' žon dítjgeklen benne' ka', le', benne' wen ḻaže'.
5 Ni'a che da' ki wžía yi' Dios le' to chi'ize.
6 Ḻé'egekle benne' chawe' ka' da' ni, na' žébegake'.
7 “Le wia nga, benne' ni bi bx̱en ḻaže'e Dios nich gape chi'e ḻe'.
8 San neda' naka' ka to yag olibo dan' žen' ḻi'a liž Dios.
9 Wká'n ẕenkza' Ḻe' to chi'ize dan' bene' da' ki.