1 We ḻawa' X̱anžo Dios ḻen dot yichj ḻáẕda'wa'.
2 We ḻawa' X̱anžon' ḻen dot yichj ḻáẕda'wa',
3 Ženít ḻawe' yógo'te doḻa' da' nbaga'a.
4 Žape chi'e neda' nich bi gata'.
5 Ẕzanḻi'e da' chawe' ka' da' žákgaken chia'
6 X̱anžo Dios ẕchi'a ḻaže'e da' žak chegak benne' ka' ẕzáka'ḻe'egake',
7 Bḻoe'ele' Moisés da' ka' wló'o ḻaže'e gone',
8 X̱anžon' žeyache' ḻáže'le', na' nži'ile' benách ka'.
9 Bi ẕtiḻkze' žo'o, na' kegé to chi'ize ẕže'e žo'o.
10 Bi žebi'e chežo ka nak ẕia da' nbága'žo,
11 Ka nak sibe ya'abá ḻawle yežlyó,
12 Ka nak zi'to' gan ẕḻa' wbíž, na' gan ženen,
13 Kan nak x̱a x̱kwide' ka' ži'i ḻaže' ḻen ẕi'nkze' ka',
14 Ḻe' nnézkzele' kan nakžo ḻo beḻa' žen chežo.
15 Ka nak yeḻa' nban chežo, nakžo ka to yix̱e'.
16 Kate' ẕde be' ga na', na' ẕnitlen,
17 san ka nak chegak benne' ka' žx̱en ḻáže'gake' X̱anžon',
18 benne' ka' žóntezgake' kan ẕnna diža' dan' bénḻene' ḻégake',
19 Bzoa X̱anžon' latje chie' ya'abá gan ži'e ẕnna bi'e.
20 Le wká'n ẕen X̱anžon', ḻe'e, wbás che ya'abá ka'.
21 Le wká'n ẕen X̱anžon', ḻe'e, wbás che ya'abá ka' žejle ḻo wdiḻe.
22 Le wká'n ẕen X̱anžon', yógo'tele ḻe'e, ben Dios ḻe'e,