1 We ḻawa' X̱anžo Dios ḻen dot yichj ḻáẕda'wa'.
2 Ẕwakw kwino' yeḻa' baní' ka ẕa lano'.
3 Beno' ližo' ḻawle nis da' žen' ža'le.
4 Ẕkonlo' žin be' žaken ka wbás chio',
5 Bzoa chocho' yežlyó nga ḻo lenen,
6 Bwako' yežlyó nga ḻen nisdo' ka žon to benne' žakwe' ẕa lane',
7 Kate' btiḻo' nisen', na' beẕonnjen.
8 Nisen' dan' bwakwn ya'a ka' bejsóan ḻo yegw ka',
9 Bzo' gan ze ḻaw chejsóan, na' gan biž gak ten,
10 Beno' bej ka', da' ka' žáljgaken žoa'a yégodo' ka',
11 Ḻo yegw ka' že'jgak bia yix̱e' ka' nis,
12 Byínnedo' ka' žóngakba' x̱ó'ngakba' ka' ḻo yag ka' zégaken žoa'a yegw ka',
13 Žseḻo'o yejw ẕan ya'abá dan' žaken ḻaw ya'a ka',
14 Žesgolo' yix̱e' da' žawgak bia yix̱e' ka',
15 na' uba ka', da' ka' žóngake' x̱is uba waḻ dan' žonen ga žebégekle benne' ka',
16 Yag sedro ka' da' zej zen ḻaw Ya'a Líbano ẕzí'gaken nis yejw.
17 Ḻo yag ka' žẕíagak byínnedo' ka' x̱ó'ngakba' ka',
18 Zej zoa chibo yix̱e' ka' ḻaw ya'a ẕen ka',
19 Beno' byo' dan' ẕḻoe'elen to byo' to byo' che yiz,
20 Beno' yel, na' kate' ba goḻen,
21 Ẕbéžeya'agak bež yix̱e' ka', žíljgakba' da' gáwgakba'.
22 Kate' ẕḻa' wbíž, na' žeyéjgakba' ḻo bloj chégakba', gan ẕtásgakba' te ža.
23 Naž ẕžojgak benne' ka', na' žjake' wen žin,
24 X̱anto' Dios, da' zante zej nak da' beno'.
25 Zoa nisdo' ga na', dan' naken ẕen, na' zil-ḻe'e,
26 Ḻo nisdon' zej nnita' barkw ẕen ka',
27 Yógo'te bia ka' žx̱en ḻáže'gakba' Le',
28 Ẕneẕjon' chégakba', na' ẕzí'gakban'.
29 Kate' bi žape chi'o ḻégakba', na' ẕžébegakba'.
30 san kate' žeseḻo'o be' chio', na' žebángakba'.
31 To chi'ize ga'n ẕen X̱anžo Dios.
32 Ẕwie' yežlyó nga, na' žẕon'.
33 Goḻkza' che X̱anžon' x̱ak zoa' nbana'.
34 Žak ḻaža'a chaz ḻaže' X̱anžon' da' ka' ẕlab ḻaža'a,
35 Kwia yi'gak benne' doḻa' ka' nníta'gake' yežlyó nga,