1 X̱ana' Dios, benle da' ẕnnabla' Le',
2 Bi wkache' ḻawo' Le' ḻawa' neda', dan' že' zedla'.
3 Nak yeḻa' nban chia' ka žen che yi' da' ẕnitlen.
4 Žedó ḻaža'a, na' nak ḻáẕda'wa' ka to yix̱e' nkwaden,
5 Dan' ẕbeže wé'ḻi'a ba nžítḻi'a.
6 Naka' ka to lab ẕlaba' to ḻo yežlyó biž,
7 Žata'a yele, san bi ẕtasa'.
8 Tža tža ẕnne zí'tezgak benne' ka' bi ẕḻé'egekle' neda' chawe'.
9 Kate' žawa' yet, naken ka žawa' de,
10 Ki žaken dan' ẕžo'o neda', na' žsaka' zi'o neda'.
11 Nak yeḻa' nban chia' ka to ẕoḻ da' ẕdezen,
12 Le', X̱ana' Dios, to chi'ize zo'.
13 Bezó ža', na' beyache' ḻaže'l benne' yež Sión ka',
14 Neto', wen žin chio', nži'ilto' yej ka' che yežen'.
15 Benne' yógo'te yež ka' gápegake' La la'y chio' ba la'ne, X̱anto' Dios.
16 kate' yechiso' yež Sión, X̱anto' Dios, na' ḻé'egekle' yeḻa' ẕen chen,
17 dan' wzé nago' da' ẕnnábgekle benne' ka' wléj yichjo'
18 Bzoj da' ni nich góḻgaken benne' ka' za' ḻá'gake',
19 Gan zoa X̱anžon' ya'abá bwie'.
20 nich yenle' chegak benne' ka' ẕbeže nyáche'gake',
21 nich wzéngekle' benne' yež Sión ka' kan nak ẕen La la'y che X̱anžo Dios,
22 kate' ḻa'gak benách yógo'te yež ka',
23 X̱anžo Dios bzex̱jwe' yeḻa' waḻe chia',
24 Naž wnnía': “Dios chia', bi goto' neda', kate' bi na' gola'.
25 Ža ni'te bzo' yežlyó nga, na' ḻen no'o beno' ya'abá.
26 Kwia yi'gak da' ka', san sóatezo' Le'.
27 san bi ẕcha' kwino', na' batkle te chio'.
28 Gape chi'o ẕi'nto' neto', benne' wen žin chio' ka',