1 Lu yöl-laʼ rudzeja queë́liʼ guliʼgul-la lahuëʼ Xanruʼ,
2 Guliʼguíëʼ Lëʼ: “Xclenuʼ”, quínniliʼ lëʼe bihuél-la.
3 Guliʼgul-la queëʼ tu le rul-la cubi.
4 Xtídzëʼë Xanruʼ naca idú tsahuiʼ,
5 Nadxíʼinëʼ le naca dxiʼa, en le naca tsahuiʼ.
6 Len didzaʼ bë́ʼësëʼ Xanruʼ, benëʼ lúzxiba,
7 Rutubëʼ nisa röʼö nísadoʼ para gaca ca tu guíʼa.
8 Yúguʼtë bönachi ral-laʼ ilaʼdxíʼi Xanruʼ.
9 Bë́ʼësëʼ didzaʼ Xanruʼ, ateʼ laʼ gúcatë ca naʼ gunnë́ʼ.
10 Gunná bëʼë, ateʼ guca tsutsu le nunëʼ.
11 Sóaticaʼsö tsutsu didzaʼ nunëʼ Xanruʼ.
12 Bicaʼ bágaca bönachi yödzö naʼ náquiëʼ Xanruʼ cazëʼ Dios quéguequi,
13 Zoa cazëʼ Xanruʼ yehuaʼ yubá, ruyúëʼ ga zóaruʼ.
14 Ga naʼ zoa cazëʼ ruyúëʼ idú gásibiʼilö,
15 Nun cazëʼ Lëʼ ládxiʼdoʼgaca yúguʼtëguequi.
16 Bitiʼ caʼ ulë́ʼ bönniʼ unná bëʼ nacuáʼ queëʼ bönniʼ guizxi yu röjáquiëʼ gudil-la.
17 Bitiʼ nazacaʼ gunruʼ löza böaʼ para idéliʼruʼ lu gudil-la,
18 Buliʼyú, ruyúticaʼsëʼ Xanruʼ nupa tadxi Lëʼ,
19 para usölë́ʼ léguequi lu yöl-laʼ guti,
20 Idú ládxiʼruʼ runruʼ löza Lëʼ Xanruʼ.
21 Rudzeja ládxiʼlenruʼ Lëʼ,
22 Lu yöl-laʼ dxiʼi ladxiʼ quiuʼ gúcalen netuʼ, Xan,