1 ¡Innë́ticaʼsaʼ queëʼ Xanruʼ náquiëʼ dxiʼa!
2 Böʼ naca cazaʼ gun zxön Xanruʼ.
3 Guliʼgüíʼ zxönëʼ Xanruʼ tsözxö́n len nedaʼ,
4 Bulidzaʼ-nëʼ Xanruʼ, ateʼ bubiʼë didzaʼ quiaʼ,
5 Nupa nácagaca queëʼ bilaʼdxín lahuëʼ, en buluʼzíʼ xibë́ʼ.
6 Bulidzaʼ-nëʼ Xanruʼ, ateʼ biyönnëʼ quiaʼ nedaʼ, bönniʼ yechiʼ,
7 Gubáz láʼayi que yaʼabá queëʼ Xanruʼ tapa chiʼë nupa tadxi Lëʼ,
8 Guliʼsíʼ bëʼë, ateʼ inö́ziliʼ náquiëʼ Xanruʼ dxiʼa.
9 Guliʼgadxi Xanruʼ, libíʼiliʼ nácaliʼ quez queëʼ,
10 Taʼyadzaj taʼyúdxibaʼ bëdxi guixiʼ, en taʼdunbaʼ,
11 Guliʼdá libíʼiliʼ, bíʼidoʼ, en buliʼzë́ nágaliʼ xtídzaʼa.
12 ¿Nuzxi caz bönniʼ rë́ʼënëʼ soëʼ ibanëʼ,
13 Ben chiʼi lúdxuʼu para cabí guʼu didzaʼ xihuiʼ,
14 Bucáʼana le cabí naca tsahuiʼ, en ben le naca dxiʼa.
15 Ruyúticaʼsëʼ Xanruʼ nupa nácagaca tsahuiʼ,
16 Uzáguëʼë Xanruʼ xinö́zgaca nupa tuáʼ döʼ,
17 Nupa nácagaca tsahuiʼ tuʼlidza Xanruʼ, ateʼ riyönnëʼ quéguequi,
18 Xanruʼ zóalen cazëʼ nupa tuʼhuíʼini ladxiʼ,
19 Zián le riguíʼi rizáquëʼë bönniʼ tsahuiʼ,
20 Xanruʼ rapa chiʼë yúguʼtë dxita yuʼë,
21 Le xihuiʼ run nu ruáʼ döʼ gun ga gati nu naʼ,
22 Xanruʼ caz ruhuöáʼuëʼ böʼ nácagaca caz huen dxin queëʼ,