1 ¡Bicaʼ ba bönniʼ naʼ Dios buniti lahuëʼ lëʼ ca naca döʼ biʼë,
2 ¡Bicaʼ ba bönniʼ naʼ Dios rnnëʼ bitiʼ nabáguëʼë xiguiaʼ,
3 Cateʼ guzóaʼ dxisö ca naca dul-laʼ quiaʼ,
4 Rëla, en te dza buquíʼi busácuʼu nedaʼ, Dios.
5 Níʼirö guxóalëpaʼ dul-laʼ nabágaʼa loʼ Liʼ,
6 Que lë ni naʼ, nútiʼtës nu nunbëʼ Liʼ, Dios, ral-laʼ ulidza Liʼ
7 Liʼ nacuʼ ga gaca ucachiʼ cuinaʼ cateʼ zoa bönadxi quiaʼ.
8 Liʼ gunuʼ ga gúl-laticaʼsaʼ quiuʼ Liʼ tuʼ rusölóʼ nedaʼ.
9 Bitiʼ gacuʼ ca tu böaʼ o tu mula cabí taʼyéajniʼibaʼ.
10 Zián le tun ga tuʼhuíʼiniguequi nupa tuáʼ döʼ,
11 Buliʼdzéjalenëʼ Xanruʼ, en buliʼsíʼ xibë́ʼ, libíʼiliʼ nácaliʼ tsahuiʼ lahuëʼ Lëʼ.