1 Yawe do kap kalugɨ kɨnda yaŋ ɨmni.
2 Yawe do kap yaŋ ɨmɨŋek mani aŋkɨsini.
3 Amɨn kɨsisi mɨktɨmɨ mɨktɨmɨ ekwaŋ tɨlɨmni gat ae yo masɨ masɨmɨsi asak uŋun do yaŋ teŋteŋaŋ yomni.
4 Yawe uŋun wagɨl tagɨsisi, do aŋkɨsiŋ kɨmorɨsi.
5 Mɨktɨm dɨwarɨ dakon piŋkopni uŋun kokup kɨdat dakon wupmɨ gɨn.
6 Yawe uŋun kɨla amɨn madep egek man madepni taŋ ɨmɨsak.
7 Mɨŋat amɨn kabɨ morap, yaŋ sɨmɨl aŋek Yawe dakon tɨlɨmni gat ae tapmɨm madepni gat do yoni.
8 Yaŋ sɨmɨl aŋek tɨlɨm madepni do nandaŋek Yawe aŋkɨsini.
9 Uŋun telagɨsi ae tɨlɨmni ŋwakŋwarɨsi, do Yawe gawak ɨmni.
10 Mɨktɨmɨ mɨktɨmɨ egɨ aŋaŋ kwaŋ uŋun dakon amɨn yaŋ yoyɨni, “Yawe uŋun kɨla amɨn madep egɨsak.
11 Kundu gat mɨktɨm gat, jil kɨsɨk kɨsɨk anjil.
12 Jap pi gat ae yo morap uŋungwan toŋ, ji kɨsɨk kɨsɨk ani.
13 Yawe da buron kɨsɨk kɨsɨk akdaŋ, nido Yawe abɨŋ gen kokwin aŋek mɨktɨm daman kɨsi dakon mɨŋat amɨnyo dakon aŋpak kokwin aŋ yomdɨsak.