1 Apba kɨsɨk kɨsɨk kap Yawe do yono!
2 Uŋun da kapmatjok kɨŋek ya yaŋ iyɨneŋ.
3 Nido Yawe uŋun Piŋkop tapmɨmɨ toŋsi egɨsak.
4 Mɨktɨm galegɨ ae kabap mɨktɨm kɨsi uŋun iyɨ dakon.
5 Mɨktɨm gat tap gat kɨsi iyɨ wasagɨt, do kɨsi bamot iyɨ dakon gɨn.
6 Ji apba ŋwakbeŋ aŋek gawak ɨmno.
7 Uŋun Piŋkopnin egɨsak.
8 Yawe da yaŋ yosok, “Kalɨp babɨkji da mɨktɨm kɨbɨrɨ tɨmon, Meriba ae Masa mɨktɨmon, but teban awit.
9 Yo agɨm uŋun pɨndakgwit, mani nak aŋkewal do pi madepsi awit.
10 Nak bɨlak 40 uŋun amɨn do butjap nandaŋ yomgum.
11 Yaŋdo, nak japtaŋek yaŋ yoyɨgɨm, ‘Asi dayɨsat, ji nak dakon yɨk yawot kokupgwan dɨmasi pɨgɨni.’ ”