1 Vi konini maa ni ñayiu ndiꞌi ñuu tnoꞌo yaꞌa.
2 A ka kuu ni ñayiu ndaꞌu axi ñayiu xtila,
3 Chi kaꞌan san jin yuꞌu san tnoꞌo ndichi,
4 Te nduku ndee san ja kaꞌan san tnoꞌo jaꞌvi,
5 ¿Te nau ja koyuꞌu san nuu kenta kiuu kueꞌe
6 Chi ka kukanu ini ñayiu yun jin jakuika ka nevaꞌi,
7 Su tu na in ñayiu kuu skaku niꞌnui in ñani in tnaꞌi,
8 Chi yaꞌu ndevaꞌa ndee anu in ñayiu,
9 nagua ja kotekui nikuii nikani,
10 Su ja ka jinio ja inuu ka jiꞌi ndiꞌi ni ñayiu.
11 Te visi ka nevaꞌi ñundeꞌi nuu ka yoso sivi, su yau ñaña kuu veꞌe nuu siun ni vi koi,
12 Te visi nevaꞌa kuakuaꞌa ñayiu jakuika,
13 Saa ka naa ñayiu ka kukanu ini mai,
14 Te ñayiu yun, chi ka kui na kuinio ndikachi,
15 Su skaku niꞌnu ña maa ia Dios jin san nuu ndaꞌa yau ñaña,
16 Te ma saꞌu kuii ini ni nuu ja kuu kuika inka ñayiu,
17 Chi nuu kui, te ni in ja ma kondisoi kiꞌin jin,
18 Te visi na kachi jin anui: “Na taꞌu na ndetuo ja ni kuu kuikao”, nini ja tekui,
19 su kentai ja kiꞌin vi ndanitnaꞌi jin ndi nijaꞌnui,
20 Te ñayiu ni kuu kuika, chi tu jinkuiꞌnu ini,