1 Kaꞌnu kuu Jitoꞌo, te kanuu ja vi saꞌa kaꞌnuo ya
2 Nase vivii sukun yuku Sión, te jiñaꞌa jasii ini nuu ndiꞌi ñayiu ñuyiu,
3 Te ndee veꞌe tniuu maa ia Dios,
4 Chi ni ka kututu rey sava ka ñuu,
5 Su nuu ni ka jini de ñuu yun, te ni ka saꞌu kuii ini de,
6 Te vi suaꞌa ka niꞌi de ja ka yuꞌu de,
7 axi na kuinio tachi ja makana nuu ichi nuu kana nikandii
8 Te vi nagua ni ka onini san ja ni ka ndakani,
9 Te ka ndakaꞌan san ja ndaꞌu ndevaꞌa ini ni, vi Dios,
10 Te nagua kaꞌnu kuu ni, vi Dios, saa kenta ja ka saꞌa kaꞌnu ña ndiꞌi ñayiu ñuyiu,
11 Te na vi kokusii ini ñayiu ka oo yuku Sión,
12 Vi kiondita maa ni yuku Sión, te vi kionduu ni nii nuu oo,
13 te vi kondiaꞌa guaguaꞌa ni muro ja ndesi ñuu yun vi veꞌe tniuu,
14 Chi ia ni saꞌa ndiꞌi yaꞌa kuu ia Dios mao, ia oo nikuii nikani,