1 Ni saꞌa tnoꞌo ndichi in veꞌe maa,
2 Ni jaꞌni kiti ja saꞌa in viko,
3 Yun te ni tetniuu suchi siꞌi ja ka jinokuechi nuu ndee nuu sukun ka ñuu yun
4 Te ka jiñaꞌi: “Maa ni ja tu ka jini ni naxa vi saꞌa ni, neꞌekuei ni yaꞌa”.
5 “Neꞌekuei ni te vi kaa ni xtaa,
6 Vi xndendoo ni ja tu ka jini tu ka kuu ni jian, te vi koteku ni.
7 Te na in ndakanu ichi ndaa ña jin ñayiu saꞌa kuasun jin inka ñayiu,
8 Ma kuxeen ron nuu ñayiu kuasun ini, nagua ja ma skexiko ñai jin ron,
9 Kanu ichi ñayiu ndichi, te na kuu ndichi ka mai,
10 Chi jayuꞌu niꞌnuo Jitoꞌo kuu nuu kejaꞌa ja kuu ndichio,
11 Chi jin maꞌñu sagua maa rin ja kuu rin tnoꞌo ndichi, te koo ron kuaꞌa ka kiuu,
12 Te nuu ja ndichi ron, te tnoꞌo ndichi yun chituu ña jin maa ron,
13 Te tnoꞌo vasa kuu na kuinio in ñasiꞌi ja kana kuaꞌan kana vaa ña,
14 Te junkoo ña in nuu tei yuyeꞌe ña,
15 Te kana ña jin tee ka jika ichi yun,
16 Te jiñaꞌa ña: “Maa ni ja ka kuu ni tee tu ka jini naxa vi saꞌa,
17 “Vixin ndia jiꞌi ndute ja suꞌo,
18 Su tu ka jini de ja yun ka oo ndiyi,