1 Yaꞌa kuu tnoꞌo jaꞌvi ja ni kaꞌan Salomón:
2 Ja kuika nevaꞌa ñayiu jin tniuu kueꞌe ja saꞌi,
3 Ma kuandetu Jitoꞌo ja vi tnaꞌa ñayiu ndaa tnundoꞌo soko,
4 Na ñayiu kuu kuꞌndu ja satniui, te kuu ndaꞌui.
5 Te ñayiu ndaxtutu ja kee nuu ñundeꞌi yoo kei, kui ñayiu ndichi.
6 Vii ndevaꞌa chindee chituu ña ia Dios jin ñayiu ndaa.
7 Ja ka ndakaꞌan ña jin ñayiu ndaa kuu in javii javaꞌa.
8 Jantaꞌu ñayiu ndichi ini anu tnoꞌo ja ka tatnuni nui.
9 Te ñayiu ndaa, chi tu nagua yuꞌi.
10 Te na ñayiu ndakuene jin nduchi nui, te ndukui tnoꞌo suchi ini.
11 Tnoꞌo kaꞌan ñayiu ndaa kuu ja taa ja kotekuo.
12 Ja ka kaꞌan uꞌu tnaꞌa ñayiu saꞌa ja ka jaxin tnaꞌi.
13 Yuꞌu ñayiu jinkuiꞌnu ini oo tnoꞌo ndichi.
14 Ka tavaꞌa ñayiu ndichi tnoꞌo ja ni ka jinkuiꞌnu ini.
15 Te jakuika ja nevaꞌa ñayiu kuika kuu ja ndesi guaꞌa ñui.
16 Yaꞌu ja niꞌi ñayiu ndaa kuu ja kotekui.
17 Na in tavaꞌa tnoꞌo ja xteku ña jin, te kuaꞌin ichi ja kotekui.
18 Ñayiu tnoꞌo, chi tayuꞌu tnoꞌi ja kaꞌan uꞌui inka ñayiu.
19 Nuu kaꞌan ñayiu kuakuaꞌa tnoꞌo, te kuaꞌa tnoꞌo kueꞌe kaꞌin.
20 Kaa vii ndevaꞌa ja kuu plata kuu tnoꞌo kaꞌan ñayiu ndaa.
21 Tnoꞌo ja kaꞌan ñayiu ndaa kuu tnoꞌo ndee ini ja ndakuñaꞌi nuu kuaꞌa ñayiu.
22 Javii javaꞌa ja taa Jitoꞌo kuu ja saꞌa kuika ña,
23 Ñayiu vasa, chi kusii ini nuu saꞌi jakueꞌe.
24 Nagua yuꞌu maa ñayiu kueꞌe yun, te yun kii siki.
25 Nagua yaꞌa in tikacha, saa vi naa ñayiu kueꞌe.
26 Ñayiu kuꞌndu, chi kui na kuinio vinagre ja kunjino nuu noꞌo
27 Ja yuꞌu niꞌnuo Jitoꞌo ndaskaya kuaꞌa ka kiuu ja kotekuo.
28 Ja ka ndetu kaꞌnu ñayiu ndaa kuu ja vi kokuu sii ini.
29 Maa Jitoꞌo jito jini ña jin ñayiu ka saꞌa ndaa ja ka jika ichi ya.
30 Ñayiu ndaa, chi ma vi xtajioo saꞌun ña jin.
31 Ñayiu ndaa, chi kaꞌin ninoꞌo tnoꞌo ndichi.
32 Ñayiu ndaa, chi jini kaꞌin tnoꞌo ja junkuaan inio.