1 Seꞌe ndichi, chi jantaꞌui tnoꞌo ja xteku ña tatai.
2 Vi niꞌi maa ñayiu in jaguaꞌa na kuu na kuu na tnoꞌo ka kaꞌin.
3 Na in jaꞌnu niꞌnu tnoꞌo kaꞌin, te jitoi mai ja kotekui.
4 Ñayiu kuꞌndu, chi ndioo ini ja konevaꞌi, su tu nagua niꞌi.
5 Ñayiu ndaa, chi skexikoi tnoꞌo tnoꞌo.
6 Tavaꞌa ña tniuu ndaa jin ñayiu jika nuu ichi ndaa,
7 Ka oo sava ñayiu ka saꞌi ja ñayiu kuika ka kui, te tu saꞌun nagua ka nevaꞌi.
8 Jin ja nevaꞌa ñayiu kuika yun tniuyaꞌui ja skaku niꞌnu ña jin.
9 Ñayiu ndaa, chi ka kui na kuinio in ñuꞌu ja yeꞌe niꞌnu.
10 Ñayiu ka saꞌa teyii mai, chi ka ndukui tnoꞌo kiti ini.
11 Xuꞌun ja niꞌi ñayiu nuu xndaꞌui inka ñayiu, chi joo ni te ndiꞌi.
12 Nuu tu niꞌi ñayiu in ja ndetu kaꞌnui, te kusuchi ini.
13 Na in skexiko tnoꞌo ja ka kaxtnoꞌo nui, te tniuyaꞌui ja saꞌi yun.
14 Tnoꞌo kaxtnoꞌo ñayiu ndichi kuu ja jiñaꞌa ja vi koteku ñayiu,
15 Ñayiu niꞌnu ini niꞌi ja ka kaꞌan vii ka kaꞌan vaꞌa ña ñayiu.
16 Ndiꞌi ñayiu ka niꞌnu ini ka saꞌa ndai, nagua ka jinkuiꞌnu ini.
17 Tee kueꞌe ja kuaꞌan de kaxtnoꞌo de junkau maa de nuu jakueꞌe.
18 Ñayiu skexiko tnoꞌo ka xteku ña jin, chi kokuu ndaꞌui vi kokuu kanoi.
19 Nuu skunkuu ja ka ndioo ini ñayiu, te ka kusii ini.
20 Na in jika jin ñayiu ndichi, te nduu ndichi.
21 Ñayiu ka saꞌa yika kuechi, chi sondikin ña jakueꞌe jin.
22 Tee guaꞌa, chi xndendoo de ja vi saꞌa jajin señani de.
23 Nuu ñundeꞌi ñayiu kundaꞌu kee kuaꞌa ja kai.
24 Na in tu kani seꞌi, te tu kutoo ñai.
25 Ñayiu ndaa, chi jai guaa ndee ndutu chii.