1 Na in kutoo tnoꞌo ja ka xteku ña jin, te kutoi tnoꞌo ndichi.
2 Ñayiu guaꞌa, chi jantaꞌu ña Jitoꞌo jin.
3 Tu na in kuu koyutnu jin maꞌñu sagua jakueꞌe saꞌi.
4 Ñasiꞌi guaꞌa ndevaꞌa kuu ña na kuinio in ita ja ni ndukutu vii xini yii ña.
5 Ka ndakani vaꞌa ini ñayiu ndaa.
6 Tnoꞌo ka kaꞌan ñayiu kueꞌe yun kuu na kuinio ja ka jaꞌni ndiyi.
7 Xnaa ña ia Dios jin ñayiu kueꞌe, te ma vi koo saꞌun kai.
8 Vi kaꞌan vaꞌa ña ñayiu jin tee ndichi.
9 Guaꞌa ka ndee in tee ndaꞌu ja ka skexiko ña jin de, su oo in ñayiu jinokuechi nuu de,
10 Jito guaꞌa ñayiu ndaa kiti ja na koo vaꞌa ti.
11 Ñayiu jitu nuu ñundeꞌi, chi vi suaꞌa kendoo sagua ja kai.
12 Ja ka ndioo ini ñayiu ka saꞌa jakueꞌe kuu ja ka ndesi mai nuu jakueꞌe yun.
13 Kanakau maa ñayiu saꞌa jakueꞌe yun nuu tnoꞌo tnoꞌo ja kaꞌin.
14 Vi niꞌi in in maa ñayiu jaguaꞌa na kuu na kuu na tnoꞌo ka kaꞌin,
15 Ñayiu vasa, chi ndakani ini ja oo guaꞌa ndiꞌi ja saꞌi.
16 Ñama xneꞌe ñayiu vasa mai ja kiti ini.
17 Na in kaꞌan ndaa, te kaꞌin nagua kuu ndija.
18 Tnoꞌo ja ka kaꞌan sava ñayiu nuu tu ka ndakani guaꞌa ini, xtuji inka ñayiu na kuinio in yuchi kani.
19 Na in kaꞌan ndaa, te koi nikuii nikani.
20 Ninoꞌo tnoꞌo tnoꞌo oo ini anu ñayiu ka ndakani kueꞌe ini.
21 Ni in jakueꞌe ma kii siki ñayiu ndaa.
22 Skexiko ña Jitoꞌo jin ñayiu kaꞌan tnoꞌo tnoꞌo.
23 Tee niꞌnu ini, chi tu xneꞌe de nagua jini de.
24 Ñayiu kuyu ja satniui, chi sui kotatnuni.
25 Tnoꞌo suchi ini ja oo ini anu ñayiu skuita ña jin.
26 Ñayiu ndaa kui taniñu ja ka ndikin ña tnaꞌa kuikin.
27 Ñayiu kuꞌndu, chi ni tu chioꞌi kiti ni jaꞌni.
28 Ichi tnoꞌo ndaa jaka ña ja vi kotekuo,