1 Běğa Buxačuğon israilluğoynak',
2 Ama zu bez yaq'a aç̌espsaxzuy,
3 Pist'oğoy běš baysuna,
4 Dərd hik'ə tet'un ava,
5 Hik'k'alaxun koruğ tet'un zap'e,
6 İçoğoxun irəzi baksuna sal c'ap'tet'unpsa,
7 İçoğoy t'olnu tet'un p'aq'sa,
8 İçoğoy əş lağa haq'sune,
9 Göynuxunt'un taysa,
10 Camaatenal hələ arśi mot'oğo ǔmǔxelaxsa,
11 Buxačuğoy hər şeya aksaxun,
12 T'ema arxayint'un ki,
13 İsə t'etəre c'eysa ki, nə bezi düz yaq'en taysuni,
14 P'oy ene het'aynak'ez za hər ği əzyət tast'ay,
15 Ama təə! Metər pi bakiyzuy,
16 Düze, mot'oğo tam q'amişakamin
17 Ama Vi bakala ı̌vel galaz baśi zu sa ği,
18 Mone, şot'oğoy tağala yaq'a fırs'ek'al balnu Hun,
19 Q'ı̌yen haq'ale şot'oğo,
20 Vi şu baksuna ak'est'alnu Hun me pist'oğo, ay \+w Q'ončux\+w*,
21 Q'ubarbala vədəmuxe buy bezi,
22 Q'ammazzuy, hik'k'al q'amiştezuy,
23 Ama isə azaksa ki, Hun həmişə zaxunnu,
24 Hunnu za düz yaq' ak'est'alo,
25 Bez best'a Hun bakit'uxun oşa
26 Bez ük' xə̌xə̌yeğala vədine za ük' tadalo,
27 Vaxun ə̌xil bakalt'oğoy axır tene bakal,
28 Zu isə Va ı̌šabaksunenez şaat'luğ bə̌ğə̌bsa,