1 Ay Buxačux, het'aynak'en yaxun həmişəluğ ç̌o taradala baki Hun?
2 Vi hələ beş kalboğoy döörəxun Vaynak' c'ək'p'i azuk'a nu aksuna ma laxa:
3 Eki běğa t'e ı̌vel ganxoxun k'ə mande,
4 İçoğoy ěkat'un ə̌qst'a Vi məsk'ən saki ganu,
5 C'ələye baśi xodt'un budayinşbsa unkon,
6 T'e bəzəylu bariğoxun hik'k'al tene mandi,
7 Vi ı̌vel ganut'un bok'osp'i şot'oğon,
8 "Me azuk'a tumexun əfçibalyan!" pi
9 Nə göynuxun sa nišane ak'esa yaynak',
10 Ay Buxačux, hələ heq'ədər düşməneynak' axšumi ga bakalnu Hun?
11 Axıri het'aynak'en Vi kula zap'e?
12 Ama bezi Buxačuxe bu,
13 Dənizxoy xenan t'ağaybi,
14 Bitot'ay pula haq'i, ama Vaxun nu başarbi me heyvani bulan duği č'ak'p'i,
15 Orayinxone ǰalpi c'eri,
16 Běğa q'a xaşal göynul Hunen laxe,
17 Oç̌ali binorinan laxi Hun,
18 Ay \+w Q'ončux\+w*, düşməneynak' axšumi ga baksuna,
19 Ma barta Vi bəsləyinşi göyərçin ə̌qnə heyvanxoynak' yem bakane,
20 Běğa Vi yaxun ğaç̌eśi irəziluğaxun k'ə mande!
21 Ma barta me zülümi boş bakalorox turin oq'a ç̌axç̌uxeśi tağane,
22 Hayza Vi şu baksuna ak'est'a, ay Buxačux!
23 Nu aksuna ma laxa Vi düşmənxon içoğoy bula alabsuna,