1 Ay Buxačux, Vast'a bakala düzgünluğaxun tada padçağa,
2 Vi azuk'a düzgünluğenq'an divanbi,
3 Buruxmoğo bakala bolluğen azuk'i şaat' ğinax baksuna ak'est'ale,
4 Fağırxoy bač'ane çurk'ale padçağ,
5 Yaxun oşa eğala nəsilxonal bitot'in Va çalxale, ay Buxačux,
6 Śap'eśi q'oruğeynak' ağala k'inək',
7 Düzgünorox běš bağale me padçaği döörəst'ə,
8 Oç̌ali me belxun t'e bel bito şot'ay kiin oq'a bakale,
9 Ə̌xil oç̌alxo yəşəyinşala azuk'xon şot'o bul k'os'balt'un,
10 Tarşişi q'a dənizi t'e bel bakala oç̌alxoy padçağxon şot'aynak' payurxo eçalt'un,
11 Şot'o bul nu k'os'bala padçağ,
12 Fağıri t'arnu p'ap'alo,
13 Eht'iyəci boş bakalt'oğoynak' q'a bač'ansuzt'oğoynak' ük' bok'osp'ale şot'in,
14 Ext'ale şot'oğo zülüm zapest'ala zalımxoy kiyexun,
15 Dirist'q'an baki padçağ, boxoy ömürenq'an baki!
16 Barta ölkinə šum bolq'an baki,
17 Barta padçaği s'i həmişəq'an t'ap'eśi,
18 Alxışq'an baki israilluğoy Buxačux bakala \+w Q'ončuğo\+w*,
19 Barta Şot'ay kala s'iya duği həmişə alxışp'eq'at'un,
20 Memiya Yesseyi ğar Daviden śampi afırıyox çareksa.